| Source : FRAD044 B 1216, une pièce parchemin
[folio unique]
C'est le minu des heritages, terres et rentes~, desquelx deffuncte Plesou de Rosmadec femme de Thebault de Lanros desceda saesie
en la chastelenie de Rospreden, baillé par Bertran de Lanros, fils et principal héritier d'icelle Plesou, À Raoul Droniou receveur dudit lieu pour
faire la levée desdits héritages l'an du rachat d'icelle. PREMIER, ungn estage situé? au vilage du Mengleuz que Herry Le?
Legrant à convenant dehors à vii s. vi d. de taille. ITEM, ungn aultre estage nommé L'estage David, au vilage de
Penguern [Penvern] en la paroisse d'Elient pour vi s. de taille. Et ungn aultre estage nommé L'estage [de] Jehan Conan, à présent [tenu]
par Henry Conan, audit vilage de Penguern, en ladite paroisse pour vi s. de taille. Et ungn aultre estage que Guillaume
Le Boullouch tient à taille audit vilage. Et ungn aultre estage non herbergé nommé l'estage an Guern? que cellui
Boullouch tient pour v sols de taille. ITEM, ungn aultre estage que Alain Conan tient audit vilage à taille pour vi s.
ITEM xxv s. que elle avoit et souloit prandre une fois l'an dessus le heritages qui furent au Coroller? et que à present tient
Jehan de Treanna audit vilage. Et ungn aultre estage que tient Jehan Jouhen ou vilage de Kerlenezoy en ladite
paroisse pour xii s. vi d. de taille. ITEM, ungn aultre estage que tient Henry Legrant ou vilage de Kerlouchic [Kerloïc ?] en ladite
paroisse à convenant dehors pour v s. de taille. ET, ungn aultre estage que Guillaume Pelleter tient ou vilage de
Kerguizel [Kerviel ?] en ladite paroisse pour v s. de taille. ITEM, ungn aultre estage que Guillaume Annet à convenant dehors en
oudit vilage pour v s. de taille. ITEM, ungn estage que Jehan Lehec tient ou vilage de Guerncaru [Guerncaro] en
ladite paroisse pour vii s. vi d. de taille par an. ITEM, troys quarterons froment et xvi d. que celle deffuncte avoit chacun
an de cheffrante à chacun moys de janvier chacun an dessus le vilage de Kerulouen [Kervilaouen] en ladite paroisse. ITEM
une piece de terre contenant environ viixx seillons [140] de terre ou vilage de Kermezhouant [Kervéant] en ladite paroisse. ET
le vilage de Kervininen ? en icelle paroisse. ET toutes les terres que ladite deffuncte avoit entre le vilage de
Keranbaelec [Kerambellec] et le vilage de Penguern [Penvern] en icelle paroisse. ET tous les heritages que elle avoit ès apartenances
du vilage de Botdaniel [Bois Daniel] en ladite paroisse qu avecques les heritages et rentes~ que elle avoit entre le vilage
de Keranbaelec et le vilage de Keraudren en ladite paroisse. QUELX heritages esté? baillé? et furent affermé? par heritage
audit Jehan Laehec pour la somme de x s. monnoie. ET ce certiffie ledit Bertran estre vray par ceste -che? de la
-che? des explen [exploits] de la Court de Rospreden, le tiers jour de decembre l'an mil iiiict xlvii [1447].
[signature de :]
? OCiiiiion, passe
[Au revers pour le classement (XVIIème siècle ?)]
Rospreden
Minu baillé par
Bertrand de Lanros
d'un estaige au
villaige de Manglouez
et Penguern parroisse
de Eliant sur lesquels
est deu rantes le
tiers jour de décembre
M iiiict XLVII
|
