09 avril 1590 : Subrogation par Jullien Quoetforn

De Milamzer
Révision datée du 18 avril 2020 à 14:49 par Manager (discussion | contributions)
(diff) ← Version précédente | Voir la version actuelle (diff) | Version suivante → (diff)
Sauter à la navigation Sauter à la recherche

Almanach
Almanach

Calendrier : Grégorien

1001      1101      1201      1301      1401      1501      1601      1701      1801      1901      2001      2101
-|---------|---------|---------|---------|---------|--------|---------|---------|---------|---------|---------|


Contexte :

Nous sommes le "9 avril 1592 à Rosporden

"Subrogation faite par Julien de Coetforn, à Yvon Sourain du contract d'acquêt par luy faict de Yvon & Olivier Le Roy au village de Keroudrein &c
du 9e avril 1592".

 
[ Version brute ]

[ Version mise en forme ]
 


Source : FRAD029 21 J 1, Fonds Perrin, parchemin [+plus>]




Le neuffiesme jour d'ampril avant midy l'an mil cincq cents quattre vingts et douze par notre court de Concq Foennant et Rospreden SONT présants devant nous en leurs personnes,

- escuyer Jullien de Quoetforn, sieur dudit lieu et y demeurant en la paroisse de Scaizre d'une part,
- et sire? Yves SOUREAIN, marchant, demeurant en la ville et chasteau de Concq d'aultre partye.

Lesquelles parties sont cognoissantes et cognfessantes et par cestes cognoissent :

SCAVOIR ledit sieur de Quoetforn avoir subrogé et supplanté ledit Soureain en l'acquest par lui faict de Ollyvier et Yvon LE ROY père et fils des herittaiges et choses luy alliénés et transportées pour et en faveur de la somme et nombre de quarantte escus soll faisant la somme de cent Livres monnoye, comme plus amplement est rapporté par contract du l'onziesme jour d'octobre l'an mil V cents quatre vingts dix signé L. de Keratry, Y. Landanet soubscript.
Au bas duquel contract y a
- acte? de la rattification faicte par Marye Buzaré dudict Yvon Le Roy du contenu audict contractement comme consté par ledict acte du septiesme jour de novembre l'an mil V cents quatre vingts et Unze? ....
- et acte possessoire prins par ledit Quoetforn audit lieu comme il est rapporté par acte du ( pli... ) jour de febvrier l'an mil V cents quattre vingts doucze signé O: de la Ryvyere Y. Landanet notaires.

PAR LE POIEMANT [paiement] que ledit Soureain a faict présentement audit sieur de Quoetforn de la somme et nombre de quarantte six escus d'or soll, tant pour sort principal et accessoires que loyaulx cousts groyes? et mises dudict contractement et actes sur dabttés.
Quieulx quarantte six escus ledict sieur de Quoetforn les a pryns & tournés & amboursés & tyrés en sa possession.
Desquieulx quarantte six escus sol par le moyen ledit Quoetforn quicte et par ceste quicte ledict Soureain et par son sermant la subrogant & supplantant ledit Soureain au contenu audict contract & acte sur dabtté consantant, et par cestes consent ledit sieur de Quoetforn que ledit Soureain jouisse et dispose de cze jour dudict contractement et acte sur dabtté
et mesme en l'acte de ferme faicte par ledict sieur o Yvon Le Roy des prés et choses y rapportées pour en poyer de ferme l'an à chacun jour de la Saint Michel pour le temps de neuf ans la somme de quattre Livres monnoye, deulx mynots advoine et deulx chappons.

QUIEULX contract et acte sur dabtté ledit Coetforn a délivré et présentement audit Soureain pour luy valloyr de garand ainsin que ledict Coetforn eust peu s'en servir.
De la réception desquieulx ledit Soureain quicte ledit sieur de Quoetforn et par son serment.

ET POUR CE QUE ainsi et de la forme que dessus l'ont, lesdites parties, et chacune voulu, prins gré ...consanty non venyr jamais encontre soubs obligation et hypothèque du leur.
Et par sermants renondczant et renondczent quand ad cze à touttes exceptions? et dexceptions que contre la theneur de cestes pouroinct estre dictes que en ? mises et obéissance en tout ou en partie.
Et au droict disant generalle renonciation non valloyr, les avons de leur consentements et requestes par le jugement et autoritté de notre dicte Court à ce faire, tenyr, condempnés et les y condempnons.
DONNE témoin de ce, le scel estably aux contracts de nostre dicte Court à cestes mis.

CE FUT FAICT et le gré prins en la maison de Me Pierres LOR en la ville de Rospreden.

Et est cestes signé dudict Quoetforn o nous notaires soubs signants, ledict jour et an susdicts.
Le registre de cestes est signé dudict Quoetforn ensamble J. Cailebotte Y. Landanet notaires.
Demeure ledict registre o ledict Landanet.
Interligne : vingts approuvé.

[ Signature de la grosse ]

Y. Landanet, notaire roïal


Aliases

Coatforn, Julien, Coetforn, Scazre, Elliant, Keroudrein, Sourain, Sourein, Concarneau, Château