17 mai 1540 : Déclaration de Jehan de Tréanna

De Milamzer
Sauter à la navigation Sauter à la recherche

Almanach
Almanach

Calendrier : Julien (ancien style) : Il faut attendre Pâques pour changer de millésime !

1001      1101      1201      1301      1401      1501      1601      1701      1801      1901      2001      2101
-|---------|---------|---------|---------|---------|--------|---------|---------|---------|---------|---------|


Le 2 février 1539 [1540 n.s.], Jehan, seigneur de Tréanna s'était présenté devant les commissaires de la réformation du Domaine du Roy qui siégeaient au bourg d'Elliant en ce jour de la Chandeleur.

Ceux-ci avaient bien noté :
Jehan de Tréanna cognoist devoir sur son manoir de Tréanna et aultres héritaiges dont fera déclaration par son mynu, quatre quarterons et demy froment en ce compris demy quarteron dessus la terre Hervé Cran.

Il a donc fait préparer cette déclaration et ce 17 mai 1540 il est chez ses notaires au bourg d'Elliant pour la signature officielle du document.
Celui-ci sera ensuite soumis au receveur pour être présenté à la Chambre des Comptes.


Armoiries_Treanna.png

Armoiries des Tréanna d'Elliant

Source : FRAD044_B_1235, folio I, recto


[ En marge : ]
Présenté le xxiie may vc xl

Jehan de Tréanna et sa femme

Concq Frenant et K/emperCorentin

Treanna en Eliant / Moros en Lanriec


Déclaracion et dénumbrement par mynu des terres, rantes, héritaiges, fiéz et juridictions, que nobles gens Jehan de TRÉANNA et damoiselle Jehanne de PENMORVAN sa compaigne, sieur et damme de Tréanna et de Moros / tiennent au fyé prouche du Roy nostre Sire, usufructuaire de cest pays et duché de Bretaigne, père et légitime administrateur de Monsieur le Daulphin, duc et seigneur propriétaire dudit pays et duché, en et sous les juridictions de Concq, Foennant et Rospreden et Kempertin, subgects à foy et devoirs de rachapt quant le cas advient. Lesquels héritaiges, terres, rentes et fieds leurs sont advenus par la succession de feu Charles [de] TRÉANNA, père dudit Jehan, décebdé auparavant les quarante ans de ça et à ladite Jehanne PENMORVAN par la succession de feu Bertrom [Bertrand PENMORVAN son père comme sera cy-amprès déclèré.

Et premier, soubs la jurisdiction
de Rospreden tient


[ Le manoir de Tréanna ]


Le mannoir de Tréanna o toutes ses issues, largesses, et appartenances, bois, prés, praeries, chapelle, colombier et refuge à pigeons, garaynes et faulx à connils gardables et maecteryes contenant soubs les maisons, porte, courtils, vergers, boys de haulte fustaye, ainsi que ledit sieur les proufilte de luy mesme, environ trois journaulx de terre.

20190522_Elliant_Treanna.jpg
La chapelle de Tréanna


  • Item, tient ledict Treanna de luy mesme des appartennances dudict mannoir appellé Parc an Couldry et ungne parcelle de boys de haulte fustaye et certaine quantité de pré? y estant, contenant envyron? quart[tre] journalz de terre. Et pour ce iiii journeaux.
  • Item, tient ung pré appellé Foennec Sainct Anna des appartenances dudict mannoir contenant envyron deux journeaux de faucheur.
  • Item, tient joignant ledict pré soubs boys envyron ung journeau de terre.



[ Les métairies de Tréanna ]


Item, soubs les maectaeries des appartenances dudict mannoir esquieulx demeurent et tiennent Jehan CALLOUCH, Raoul et Yvon GUILLOU, Allain CALLOUCH, Guezennec CALLOUCH, Oliff CALLOUCH veuffve feu [... blanc ...] GUERCAROU le nombre des journaulx cy-amprès déclayrés


Et premier,


Ce que ledict Jehan CALLOUCH tient dudict mannoir contient soubs terre chaulde ouict journeaulx de terre.

  • Item, soubs terre de pasturaige environ troys journeaulx de terre.
  • Item, soubs pré fauchable environ ung journeau et demy de terre.

[folio i, verso]

  • Item, soubs maisons, courtils, jardrins et porte envyron ung journeau de terre.

Et est acoustumé et doibt poïer audict seigneur de Tréanna la quarte gerbe du bled qu'il faict semer en ce qu'il tient dudict mannoir.

Item, le lieu où demeurent lesdicts Guezennec et Allain CALLOUCH contient soubs maisons, pourprins, crèches, courtils, jardrins et aire envyron ung journeau de terre.

  • Item, soubs terre chaulde envyron six journeaulx.
  • Item, soubs terre froide, environ deux journeaulx.
  • Item, soubs pré fauchable environ deux journeaulx de terre.


Et le lieu où demeure et quel tient ladite Oliff CALLOUCH audit mannoir contient soubs ses maisons, pourprins, crèches, aire et courtils environ ung journeau de terre.

  • Item, soubs terre chaulde environ trois journeaulx de terre.
  • Item, soubs terre froide et pasturaiges environ trois journeaulx.
  • Item soubs pré fauchable environ deux journeaulx de faulcheur.

Dessus lequel lieu se poye audict de Tréanna la quarte gerbe du bled quel gaignent chacun an et par argent la somme de soixante soulz monnoye.

Et soubs les maisons, pourprins, crèches, aire, courtils et jardrins dudict Raoul GUILLOU paraillement demeurant audict mannoir contenant environ ung journeau de terre.

  • Item, soubs terre chaulde et labourable environ trois journeaux de terre.

folio ii, recto

  • Item, soubs pasturaiges il y a environ troys journeaulx de terre.
  • Item, en pré fauchable y a environ ung journeau de faucheur.



Ferant ledict mannoir et ses meteries, issues et appartennances, d'un endroit devers Solleil couchant sur ung ruisseau que dévalle d'entre le villaige de Kermaestrou [Kervestou] et Keriallec [Kerhallec] et se rand à la Rivière de Seet [Stêr-Jet] passant par le Moullin de Rochantic ; d'aultre endroit devers le Mydy sur ladite rivière de Seet que devalle devers Kervernyou et se rand au Moulin de Elyent appartenant audit de Tréanna. Et en aultre partie sur le grant chemyn que conduict dudit mannoir à Elyent. Et en aultre partie sur le grant chemin qui conduict de Malvray à Elyent ; et devers Solleil levant sur terres à Tanguy de Lanros, sieur de Troiolis [Tronjoly, en Paule] et de Malvray ; d'aultre endroict sur le vilaige de Kerscauff [Kerscao] et sur les issues et appartenances de Keriollet et sur parcs que tient Guennollay RICHART et Guennollay CALLOUCH.
Et est comprins des issues et appartennances dudit mannoir ung parc et fenier que tient ledit Allain CALLOUCH ; ferant d'un endroit sur le chemyn qui conduict de Kersalliou à ung pont nommé Pont Quynynec,d'aultre costé devers le Mydy sur le Rivière de Quenynec et d'aultres endroits sur terre audit de Tréanna ; contenant entre pré et terre froide environ deux journeaulx de terre.

[ Les moulins de Tréanna ]


Item, tient ledit Tréanna audit fyé les moulins [les]quelx sont ès issues et appartennances dudit mannoir et sont servy de la Maison et peuvent valloir par communs ans environ iiiixx rennées rases, en deux parts seigle et un tiers fromant.


Dessus lequel mannoir [et] sesdites issues et appartennances, est debu à Nostredit Sire par an de chefrante à chacun jour et feste de la Chandeleur, à debvoir estre randus celluy jour au bourg parrochial d'Elyent au recepveur, le numbre de quatre quarterons fourmant.



[ Pennanéac'h Tréanna ]


Item, [re]cognoist ledit Tréanna tenir le villaige, ses issues et appartenances de Penankenech site en ladite parroesse d'Elient, joignant dudit mannoir de Tréanna et est cerné du tout par ung ambonnement que ledit mannoir? Quel villaige tient à tiltre de taille, ferme et convenant Jehan et Hervé CALLOUCH pour en debvoir poïer par an à chacun jour et feste de Monsieur sainct Michel en Montegarganne audict de Tréanna la somme de cincquante souls monnoye, deux rennées combles avoine et deux chappons.

[folio ii, verso]

[ Keriolet ]


Item, le villaige de Kerriolet, ses issues et appartennances que tient dudit Tréanna à tiltre de taille, Allain LE LAGADEC et Allain CORNIGUEL pour en poïer par an à chacun jour de la sainct Michel, la somme de soixante souls monnoye, deux rennées avoine et deux chappons en y comprenant les issues et frostaiges estans près ledit lieu ju[s]cques au villaige de Kerscauff [Kerscao], [les]quels contiennent environ trois journeaux de terre.

[ Kerloïc ]


Item, le villaige de Kerlouchic ses issues et ppartennances que tient dudit tréanna à tiltre de taille Jehan LE GRANT pour luy en debvoir poyer par an à chacun jour et feste de Monsieur sainct Michel Montegarganne la somme de trante souls monnoye, deux rennées avoine et deux chappons.

[ Kerancalvez ]


Item, le villaige de Kerancalvez, ses issues et appartenances que tient dudit Tréanna audit tiltre de taille Loïs CALLOUCH et Jehan NYCOT pour luy en debvoir poïer par an audit tiltre à chacun jour et feste de Monsieur sainct Michel en Montegarganne la somme de quarante souls monnoye, deux rennées avoine et deux chappons.

[ Kerho ]


Item, le villaige de Kergoff, ses issues et appartennances que tient dudit Tréanna audit tiltre de taille et convenant Allain LE BRIZ, Katherine LE BRIZ veuffve [de] Glazren GOURMELLEN, [... blanc ...] MORVEZEN, Marye LE HADER veuffve de Clément LE MEUR pour luy par en poïer par an à chacun jour et feste de Monsieur sainct Michel en Montegarganne la somme de quatre Livres dix souls monnoye, quatre rennées avoine, quatre chappons.

[ Kermorin ]


Item, le villaige de Kermorin, ses issues et appartennances que tient Allain LE MOEL dict GOFF site en la parrooesse d'Elient à tiltre de taille et convenant, pour luy en poïer et luy en poïer (sic) par an à chacun jour et feste de Monsieur sainct Michel Montegarganne la somme de trante souls monnoye, ungn rennée avoine, ung chappon.

[folio iii, recto]

[ Keroniel ]


Item, le villaige de Keroniel, ses issues et appartennances que tient dudit Tréanna audit tiltre Glazren CREFF et Yvon LE GOFF site ne la parroesse d'Elient pour en poïer par an à chacun jour et terme de Monsieur sainct Michel en Montegarganne la somme de quarante souls monnoye, deux rennées avoine, deux chappons.

[ Gorréquer ]


Item, les lieux que tient Jehan LE GAL, Bernabas MORVAN, Katherine LE GAL veuffve de feu [... blanc ...] LORVILLON, dudit Tréanna au Hault du Bourg d'Elient [~Gorrequer] à tiltre de taille congéable à l'usement du pays pour poïer par chacun an à chacun dit jour et feste de Monsieur sainct Michel en Montegarganne audit Tréanna la somme de quarante souls monnoye, troys rennées avoine et trois chappons.

[ Gorréquer ]


Item, aultre tènement audit villaige de Gorekaer près du bourg parrochial d'Elient ses issues et appartennances que tient à pareil tiltre dudit seigneur de Tréanna Guezennec et Guillaume LOUENNAN et Guillaume KERDRESSEC pour luy en poïer par an à chacun dit jour et feste de Monsieur sainct Michel en Montegarganne la somme de quarante souls monnoye, deux rennées avoine, deux chappons.

[ Penzorn ~ Ty Mao ]


Item, le villaige de Pensorn, ses issues et appartennances que tient dudit Tréanna audit tiltre Guillaume MAOU pour poïer par an à chacun terme de Monsieur sainct Michel la somme de trante souls monnoye, deux rennées avoine, deux chappons.

[ Penzorn - Ty mab Sallic ]


Item, aultre villaige nomé Pensorn, aultrement Ty map Sallic sittué en laditte parroesse d'Elient que tient dudit Tréanna audit tiltre de taille et convenant congéable à l'usement du pays Jehan NYCOT et Guillaume LE ROY pour poïer audit Tréanna à chacun dit jour de Monsieur sainct Michel la somme de quarante souls monnoye.

[ Kersaliou ]


Item, le villaige de Kersaliou, ses issues, largesses et appartenances en laquelle il y a deux estaiges quieulx tiennent de luy audit tiltre de taille, ferme et convenant congéable à l'usement du pays Allain LE LAGADEC, Henry et Jehan GUILLOTRÉ et Jehan BUZARÉ pour en poïer audit Tréanna audit terme de taille et convenant la somme de cent souls monnoye, deux rennées avoine, deux chappons, ung mouton.

[folio iii, verso]

[ Kervilon ]


Item, le villaige de Kerveillonen, ses issues et appartenances site en ladite parroesse d'Elient que tiennent Henry MONTFORT, Yvon MONTFORT et Loys GUILLERM dudit Tréanna à tiltre de taille et convenant pour en poïer par an à chacun terme de Monsieur sainct Michel la somme de soixante souls monnoye, deux rennées avoine et deux chappons.

[ Kerleneza ? ]


Item, le villaige de Kerleneza en non devis avecq Tanguy de Lanros que tiennent Guezennec et Yvon LE BRIZ et Amel GAOU et Yvon LE LAGADEC et Rolland MONTFORT audit tiltre de taille, ferme et convenant congéable à l'usement du pays pour en poïer audit Tréanna pour son afferant d'icelle villaige par an à chacun jour et terme de Monsieur sainct Michel en Montegarganne la somme de vignt souls monnoye, deux rennées avoine et deux chappons.

[ Cozquer Fresq ]


Item, le villaige de Cozker ses? issues et appartenannances site en ladite parroesse d'Elient que tiennent dudit Tréanna à tiltre de taille Allain JOUHAN et Clément LE BRIZ pour en poïer par an à chacun jour et terme de Monsieur sainct Michel en Montegarganne audit Tréanna la somme de quarante souls monnoye, deux rennées avoine, deux chappons et demy moton [mouton].

[ Penvern ]


Item, ung tènement que tient Jehan KERDEHAST et Caznevet KERDEHAST au villaige de Penguern audit tiltre de taille et convenant dudit Tréanna site en ladite parroesse d'Elient pour en poïer audit Tréanna audit tiltre à chacun jour et feste de Monsieur sainct Michel en Montegarganne la somme de trante souls monnoye, deux rennées avoine et deux chappons.

[ Au bourg d'Elliant ]


Item, au bourg d'Elient, ung courtil que tient Xpofle [Christophe] COZDEN dudit Tréanna audit tiltre de taille pour en poïer par an la somme de sept souls, six deniers monnoye.


Item, troys maisons ataichées l'unes à l'autre d'elles, estantes audit bourg parochial d'Elient o leurs courtils par derière, tenus dudit seigneur de Tréanna à tiltre de taille par Augustin TALLOUARN, Yvon DERIEN et Hervé LE GUERN pour en poïer par an la somme de cincquante souls monnoye audit Tréanna, avecq en oultre pour à son acquêt aux procureurs fabriques de la parroesse d'Elient la somme de vignt souls monnoye par an.

[folio iiii, recto]

[ Gouzavat ]


Item, dessus le villaige de Gouzabat que tiennent Pierres CALLOUCH, Rolland COMBOUDEC garde des enffans [de] Allain FLANZE ~ dudit de Tréanna est debu à nostre dit Sire par an la somme de [... blanc ...].

[ Larlan ]


Item, ungn tenue et estaige vestu au villaige de Larlan tenu dudit Tréanna par Yvon LE COMBOUDEC et Mahé LE GUIFFANT pour en poïer de taille par an la somme de cincquante souls monnoye, deux rennées avoine et deux chappons.

[ Keraudren ]


Item, ung tènement et estaige vestu au villaige de Keraudren que tient Rolland COMBOUDEC à tiltre de taille dudit Tréanna en non devis avecq le [seigneur de] Kermynyhy et Jehan BUZARÉ pour en poïer audit Tréanna audit tiltre la somme de vignt souls monnoye.

[ Au bourg d'Elliant ]


Item, ung courtil estant audit bourg parrochial d'Elient, tenu par Mathelin GUILLOU dudit Tréanna pour luy en poïer de taille la somme de sept souls six deniers monnoye par an.

[ Toul Broyet ]


Item ung maison et ung courtil y adiaczant [adjacent] avecq ung parc o les issues nommés Toul Brochiec [Toul Brouyet] tenus dudit Tréanna à taille et convenant par Loys LE COZQUER pour en poïer par an la somme de vignt souls.

[ Botlaouen ~ Rozanduc ]


Item, le villaige de Botlonuan [Poullaouen ~ B 253 et B 261 à Rozanduc] situé au tref de Rospreden en ladite parroesse d'Elient que tiennent dudit Tréanna audit tiltre de taille [... blanc ...] pour en poïer par an audit Tréanna la somme de cincquante souls monnoye, deux rennées avoine, deux chappons avecq pour en acquit dudit seigneur par an la somme de dix souls monnoye ce ? chacun an au Roy nostre Sire en acquist dudit Tréanna.

[ Quénéac'h Hervé ]


Item, deux parcs que tient Jehan Knecherve Kerya [Jehan Quenechervé Kerya] dudit Tréanna, sits près le villaige de Knechervé cernés de fossés et hayes, pour en poïer par an audit Tréanna la somme de quarante souls monnoye.

[ Quénéac'h Hervé ]


Item, une montaigne froste nomé An Menez Glas près desdits parcs cy dessus contenant environ neuf journeaulx de terre froide, dont est en appel pandant sur ung prinse [prise ?]faict par les commissaires réformateurs du domaine dudit Sire cf. item 365].

[ Kerviel ? ]


Item, ung petit parc ès appartennances du villaige de Kerguihel que tient dudit Tréanna à tiltre de taille Yvon AULTRET pour en poïer audit de Tréanna dix souls par an, cerné de terres du Roy nostre Sire d'un costé et d'autres endroits sur terres à Lanros.

[folio iiii, verso]

[ Kermoalic ]


Item, ung tènement au villaige de Knechmoelic, ses issues et appartennances que tiennent dudit tréanna à tiltre de taille, ferme et convenant congéable à l'usement du terrouer, Jehan et Pierres LE REST pour luy en poïer par an la somme de cincquante souls monnoye.

[ Au bourg d'Elliant ]


Item, les maisons et courtils y adjaczants que tient? Maistre Jehan LE BRIZ en son nom et comme garde naturel pour ses enffants de luy procréés en feue et Margarite DONNAL tiennent dudit Tréanna avecq ung courtil joignant ung chemyn par lequel l'on descend du hault du bourg d'Elyent au chemin conduisant de Sainct-Cleden au Faouët et à Scaezre sans entrer audict bourg ; d'aultre costé sur ung maison qui appartient à GUEGUENNOU à présent audict BRIZ. Desdites et par cause desquelles maisons et courtils est debu de taille par an audit de Tréanna chacun jour et terme de Monsieur sainct Michel en Montegarganne la somme de vignt deux souls six deniers monnoye.



Plus cougnoist ledit de Tréanna tenir de et soubs nostre dit Sire les seigneuries de ligence, obéissance à court et à foy et debvoir de rachapt sur les tènements et héritaiges cy amprès déclayrés, sits soubs ladite juridiction de Rospreden pour en debvoir poïer audit Tréanna les chefrantes cy amprès déclairés.

Et premier,


[ Kerfors ]


La seigneurie de ligence sur le tènement de Kerfort situé en la parroesse d'Elyent dessus et par cause duquel tènement escuyer? Xpõfle [Christophe] BLOHIO, sieur de Rochantic luy doibt la somme de deux deniers obole monnoye de chefrante par an.

[ Pennanéac'h et Moulin de Pennanéac'h ]


Item, la seigneurie de ligence dessus le villaige de Penankenech site en la parroesse d'Elient avecq le Moulin y estant dessus, et à cause ducquel lieu et tènement où demeure Allain LE GUIFFANT et Allain SALAUN pour luy en debvoir poïer par an à chacun jour et feste de Monsieur sainct Michel en Montegarganne la somme de soixante quinze souls monnoye.

[ Keres Vraz ]


Item, la seigneurie de ligence, ferme?, droicts et obéissance sur le villaige de Kerrés Uhellanf site en ladicte parroesse d'Elient lequel tient Paoul et Yvon LE ROUX, Henry et Loïs OLIVIER, dessus lequel lieu ledit de Tréanna prant de chefrante la somme de six deniers monnoye à chacun an, jour et feste de Monsieur sainct Michel Montegarganne par an.

[ Kerascoët ]


Item, la seigneurie de ligence, fame droicts et obéissance sur le villaige de Kerascoët aucquel demeurent Raoul et Allain YZCUFF [Izcuff] pour en poïer audit de Tréanna de chefrante par an la somme de trante souls monnoye, deux rennées avoine, deux chappons.

[ Kermatret Izella ]


Item, la seigneurie de ligence feme droicts et obéissance dessus le lieu et ses appartennances de Kermatret Ysellauff que tient Yvon CALVEZ et Guillaume CALVEZ au tref de Locmaria an Hent pour en pdebvoir poïer de chefrante audit Tréanna neuf escuellées fourmant [froment] et deux deniers obole monnoye.

[folio v, recto]

[ Stang Yvon an Du ]


Item, la seigneurie de ligence & famme droicts sur la tierce partie d'une parcelle de terre appellée Stang Yvon an Du site en la parroesse d'Elient tenue par Hervé HENRY ?, Bernabas LE REST pour en poïer de chefrante par an à chacun jour et feste de Monsieur sainct Michel Montegarganne la somme de dix souls monnoye.
Et le parsuss [reste] de ladite parcelle de terre est l'héritaige et ... dudit Tréanna tenu prouchement de mondit Sire ?

[ Le manoir de Malvray ]


Item, la seigneurie de ligence, obéissance de fyé lige sur le mannoir de Malvray appartenant à Tanguy de Lanros sieur dudit mannoir, dessus lequel est debu de chefrante audit de Tréanna la somme de trois quarterons froment et trois deniers monnoye par an à chacun terme de Nostre-Dame de la Chandeleur.

[ ? ]


Item, ungne tenue non herbergé mannoir et lieu noble [... plusieurs lignes blanches ...]



[ Le manoir de Kerrouant ]


Item luy est debu la somme de quinze souls monnoye de rante par an dessus le mannoir de Kerrouant site en ladite parroesse d'Elient appartenant à François KERMERYEN et Marye AMEZRE sa femme et leurs consorts.

[ Prat Kerhallec ~ Kersaux ]


Item, Allain PELETER [Pelleter] luy doibt la somme de douze souls six deniers monnoye de chefrante par an dessus ung parc sittué entre le villaige de Kervry et le villaige de Kerancalvez [le]quel parc est le fyé prouche dudit Tréanna appellé Prat Kerhallec.

[ Parc Lachyvec près de Kervry ]


Item, plus est debu audit de Tréanna la somme de douze souls six deniers monnoye de chefrante par an dessus ung parc appellé Parc Lachyvec~ près ledit villaige de Kervry.

[ Parc Kerdrech près du manoir de Landanet ]


Item, la somme de vignt souls monnoye de rante par an dessus ung parc appellé Parc Kerdrech tenu par Allain LE MOEL et Yvon LE GEON~ au fyé prouche dudit de Tréanna estant près le mannoir de Landanet, joignant d'un costé sur la rivière de Seet d'aultre costés sur terres dudit mannoir de Landanet.

[ Parc an Guaper / Chaussée de Poulmic / Keryannic ~ Ty Mao ]


Item, la seigneurie de ligence sur ung parc appellé Parc an Guaper o son pré y joignant, estant près ung chaussée appellée Chaussée Poulmyc tenu dudit Tréanna à foy et debvoir de rachapt par Allain NYCOT et les enffants Allain IZCUFF par luy procréés en feue Henryete LE ROY avecq ung estaige o ses issues et appartennances [le]quel fut aultrefois à Henry QUILIEN ? site près le villaige de KerJehannyc dessus lesquels héritaiges est debu audit de Tréanna de chefrante par an la somme de trante sept souls six deniers monnoye, ung rennée avoine et deux chappons.
[? Quilien à rapprocher d'un Quilien à Bois-Daniel en 1436 ?]

[folio v, verso]

[ Kermatret Huella ]


Item, la seigneurie de ligence dessus les maisons, crèches, pourprins et aultres héritaiges desquels décebda possesseur et saesi feu Glazren PHELIP et quels à présent tiennent Yvon et Guillaume PHELIP au villaige de Kermatret Uhelauff au tref de Locmaria an Hent en ladite parroesse d'Elient pour lesdits Guillaume et Yvon PHELIP, poïer de chefrante audit de Tréanna le numbre de neuf escuellées fourmant [froment], deux deniers obolle, à chacun jour et feste de Nostre-Dame de la Chandeleur.

[ Bullien ]


Item, la seigneurie de ligence dessus la maison o son courtil et autres héritaiges tenus par Allain LE CAVELLAT et Allanette IZCUF sa famme, la veufve et enffants Glazren IZCUF [Izcuff], Yvon LORVILLON en nom et comme garde naturel pour ses enffants au villaige de Bulien pour en poyer audit de Tréanna de cheffrante la somme de cincquante quatre souls, deux rennées avoine et deux chappons.


Item, dessus les héritaiges de Clément LE MEUR et Pierres LE MOEL et Glazren COZDEN audit villaige de Bulyen de chefrante est debu audit de Tréanna la somme de trante souls monnoye.

[ Kermatret ]


Item, la seigneurie de ligence dessus le lieu et tènement, ses issues et appartennances où demeurent Dom Charles PHELIP et Robert PHELIP au villaige de Kermatret site au tref de Locmaria an Hent en la parroesse d'Elient dessus lequel est debu audit de Tréanna de Chefrante six escuellées fourmant, deux deniers obole monnoye et sept souls aesd-? pouz? à chacun jour et terme de Nostre-Dame de la Chandeleur.

[ Kervry ]


Item, la seigneurie de ligence, fame? droicts et obéissance seigneuriales dessus le tènement et villaige de Kervry tenu dudit sieur de Tréanna par Xpieñ [Christian ?] LAVELLOU pour en poïer par an la somme de quarante cincq souls monnoye de chefrante à estre payés à chacun terme de la sainct Michel.

[ Parc an Menez Kerhoantec ]


Item, la seigneurie de ligence dessus ung courtil et deux parcs de terre et ung parc de terre nommé Parc an Menez que tiennent Glazren et Allain IZCUFF en villaige de Kerhoantec au fyé prouche dudit Tréanna pour luy en debvoir poïer par an à chacun jour et feste de Monsieur sainct Michel la somme de saize souls monnoye et deux chappons.

[ Parc Quillihouarn ]


Item, la seigneurie de ligence dessus ung parc nommé Parc K/lihouarn que tiennent au fyé prouche dudit Tréanna Bertrem Le BARHUEC [Bertrand] et Alize LE ROY sa famme et leurs consorts pour en poïer par an à chacun jour et terme de Monsieur sainct Michel en Montegarganne la somme de saize deniers monnoye.

[ Parc an Brugou Kerscao ]


Item Yvon LE KERNEVEZ tient dudit Tréanna à foy et debvoir de rachapt ung parc nommé Parc an Brugou site ès mectes et appartennances du villaige de Kerscauf pour luy en poïer de chefrante par an la somme de trois souls quatre deniers monnoie à chacun jour et feste de Notre-Dame de la Chandeleur.
[ Voir C 144 et C 653 et en 1823 ]

[ Parc an Clesou Kergaouen ? ]


Item, ung parc tenu par Dom Laurant [LE COZ ?] et Yvon LE COZ appellé Parc an Clesou près le villaige de Kergouhen [Kergaouen ?] pour en poïer de chefrante par an audit de Tréanna la somme de deux deniers.
[Voir C 135 à C 138 et C 143 à Kergaouen : Parc Bellec~ en 1823 ]

[ ? ]


Plus ledit Yvon COZ et Allain LE GAC et ses enffants et Bernabes LE LAGADEC à cause des héritaiges du [ ... blanc ... ]
[Et pour ce :] v sols

[ Stang Amyce ]


Item Stang Amyce tenu au fyé prouche dudit de Tréanna par Pezronelle LE REST veuffve de feu Michel LE HADER pour luy en poïer de chefrante trois deniers monnoye par an.

folio vi, recto]

[ Brézéhan ]


Item, la seigneurie de ligence dessus les maisons, pourprins, jardrins et héritaiges que tiennent Allain et Pierres LE DEUF, Yvon PORHIEL et Barbe GAL sa famme au villaige de Bresechan au tref de Locmaria an Hent pour en poïer de chefrante audit de Tréanna ungn escuellée fourmant à chacun terme de la Chandeleur.

[ Quélennec ]


Item, la seigneurie de ligence dessus le lieu, estaige et tenue o ses issues et appartennances ouquel demeure Allain GOURMELEN et Marie LE BOULS~ [LE BULS ?] sa famme au villaige du Quélennec en la parroesse d'Elient dessus lesquels héritaiges est debu de chefrante audit de Tréanna par chacun an à chacun terme de la Chandeleur quatre escuellées formant et deux souls monnoye le jour de la Nativité Nostre-Dame [i.e. 8 septembre !].

[ Kerangagne ]


Item, la somme de dix souls de chiefrante debue audit de Tréanna dessus les terres tenues de luy à tiltre de féaige par Olivier et Guezennec CONNAN au villaige de Kerangayn.

[ Kervran ? ]


Item, pareille somme de dix souls de rante que luy sont debus par an dessus les terres que Charles GOURMELEN du villaige de Keranvran dudit Tréanna sitte ès appartennances dudit villaige en la parroesse d'Elient.

[ Kerguinou ? ]


Item, la somme de vignt deniers monnoie par an que Jehan GUILLOU de Kerguennou de ladite parroesse luy doibt par cause des héritaiges que il tient dudit Tréanna ès appartennances dudit villaige de Kerguennou.

[ Kerzoues ]


Item, la somme de vignt souls monnoie, deux rennées avoine et deux chappons de chefrante que Charles LANDANET et sa famme, Thomas, Allain et Jehan GUYGUEN GUEGUEN ? debvent audit de Tréanna à cause des héritaiges qu'ils tiennent à son fyé prouche au villaige de Kersouhes en la parroesse d'Elient à estre poïés à chacun jour et terme de Monsieur sainct Michel en Montegarganne.

[ Keranvéo Huella ]


Item, la seigneurie de ligence dessus le villaige et ses appartennances de Keranveau-Uhelauf tenu par Guillaume LE GUIFFANT et la veuffve Jehan LE GUIFFANT dudit villaige au fyé prouche dudit de Tréanna pour en poïer de chefrante par an la somme de quarante ung souls et ouict deniers monnoie et deux chappons.

[ Keranvéo Izella ]


Item la seigneurie de ligence feme?, droicts et obéissance ... dessus ung aultre tènement nommé Keranveu-Yselauf et sur ung parcelle de terre nommée Kerorchant tenus à féaige dudit tréanna par Guillaume et Loïs COZDEN et Dom Guillaume COZDEN, Henry LE BULS, Guillaume COLLIOU, Daniel LE GUIFFANT et leurs consorts pour en poïer de chefrante par an la somme de trante souls monnoye.

[ Au bourg d'Elliant ]


Item, la tenue o ses issues et appartennances ou demoura aultrefois Glazren COZDEN au Bourg d'Elient et à présent tenu par Bernard COZDEN et Dom Glazren COZDEN, de taille soubs ledit de Tréanna avecq ung parcelle de terre appellée Stang an Gal des appartennances de ladite tenue ? pour en poïer audit de Tréanna la somme de [... blanc ...] souls monnoie.

[folio vi, verso]

[ Le Moulin d'Elliant et la Chaussée au Duc ]


15400517_Treanna_chaussee_p.jpg

Item, tient soubs nostre dit Sire [le Roy], des moulins à bled et fouleret o leurs bieds et atache estans au-dessoubs du bourcg d'Elient accoustumés par commune année d'estre affermés envyron quatre vignts rennées rases bled, moictié froment et seigle ; dessus laquelle ataiche qui se prant [vis] à vis une vieille chaussée appellée La Chaussée du Duc [ Chaussée au Duc ] est deu de chefrante par an à nostre dit Sire, la somme de vignt deux deniers monnoie.

[ Les gorejoù du Pont Halaj ]


Et sur les Gorets audessus du Pont an Calut en l'endroict du Bois d'Elient doibt ledit de Tréanna de chefrante par an à chacun terme de la Chandeleur la somme de douze deniers.

[ Kerboeden ? ]


Item, le villaige de Kerboudon o ses issues et appartennances ouquel demeure soubs ledit de Tréanna Jehan PELLETER, Pierres CLEACH~, Allain LE HADER, Glazren LE ROUSIC~ et leurs consorts pour en poïer de taille par an la somme de [ Cent sols, deux rennées avoine, deux chappons ].

[ Keroudrein > Kerandreign ]


Item, Charles LE ROY du villaige de Keroudren doibt par an audit de Tréanna pour ung petit parc qu'il tient de luy la somme de deux souls six deniers monnoie.

[ Au bourg de Locmaria an Hent ]


Item, la seigneurie de ligence dessus terres et heritaiges quieulx tiennent en son fyé Katherine LE TYEC famme [de] Guennollay POURCHIEL, Yvon DROUALLEN~ fils de Pierres DROUALLEN et Margarite LE LESCOU~ site près le bourg de Locmaria an Hent ; dessus lesquels héritaiges est debu par chacun an audit sieur de Tréanna deux escuellées fourmant et ung denier [monnoie].

[ ~ Kervélen Vihan ]


Item, la moectié d'un montaigne et piecze de terre en non devis o Xpõfle [Christophe] BLOHIO sieur de Rochantic, appellé En Leur Main ferant d'un endroict sur ung boys appellé Coet Pensorn appartenant audit Blohio à cause de Françoyse LE ROUX sa famme, d'aultre endroict sur terres dudit de Tréanna, devers [autre] endroict sur ung ruisseau qui dévalle au long du villaige de Kerimellen [Kervélen] appartenant à nostre dit Sire, et se rand à la Chaussée de Poulmyc. Pour laquelle moectié de montaigne Jehan LE BIHAN doibt poïer et poye par an audit de Tréanna à chacun terme de sainct Michel la somme de quinze sols monnoie.

[ Kermatret Izella ]


Item, la seigneurie de ligence dessus le villaige de Kermatret Ysellauf ouquel demeure Jehan THEPAULT en tref de Locmaria an Hent en ladite parroesse appartenant à Guillaume SALOU ? sieur de Kerguenou et dessus lequel est debu de chefrante audit sieur de Tréanna six escuellées fourmant à chacun jour et terme de la Chandeleur.

[ Créac'h Danièlou ]


Item, dessus ung aultre tenue non herbergé nommée k/nech Daniellou tenu par dehors par ? THEPAULT dudit à tiltre de taille dudit SALOU dessus laquelle tenue est debu de chefrante audit sieur de Tréanna trois escuellées froment à pareil jour de la Chandeleur.


Item, ung autre vieil estaige non herbergé audit lieu de k/nech Daniellou tenu à taille par Loïs LE LOZREC et Yvon SALLOU, sieur de Toulgoet dessus lequel est debu de chefrante audit de Tréanna trois escuellées froment.

[ Gorréquer à Locmaria an Hent ]


Item, la seigneurie de ligence dessus le Mannoir de Gorréker site audit tref de Locmaria appartenant en fond audit Guillaume SALOU garde naturel de Clémence [SALOU ?] sa fille, sans auchun debu de chefrante.
[Clémence est-elle l'héritière d'une Tréanna ?]

[ Parc an Justice à Locmaria an Hent ]


Item, la seigneurie de ligence dessus les maisons, jardrins courtils et ung parc appellé Parc an Justicze quel tiennent Guillaume LE HELIOU ? au bourg de Locmaria an Hent et ses mectes ? sans auchun debu de chefrannte.



Quels héritaiges, terres, rantes, fieds et obéissancs cy-dessus sont en tout sittués en ladite parroesse d'Elyent soubs ladite juridiction de Rospreden.




[folio vii, recto]

Et soubs la Juridiction de Concq tient les terres et heritaiges, obéissances et seigneuries cy amprès déclarées.


Et premier,


Le lieu et tènement où demeure Guillaume GARLOT près du Mannoir de Moros en la parroesse de Lanryec, fors et excepté ungn parcs de terre situé d'un endroit sur le chemyn qui conduit de la maison de Garlot à la fontaine nommée La Fontaine du Bryec, d'aultre endroit sur le boys dudit mannoir de Moros appartenant audit Tréanna, laquelle parcelle de terre est le fyé prouche de la seigneurie de Keranmerch~. Lequel lieu est tenu dudit tréanna à tiltre de taille pour en poïer par an audit tiltre la quarte gerbe des bleds qu'ils se faict gaigner par an audit lieu.


Item, le lieu et tènement de Kerouarch ou demeurent [ ... blanc ... ]en la parroesse de Treguenc pour en poïer audit tiltre de taille audit de Tréanna à chacun jour et feste de Monsieur sainct Michel en Montegarganne la somme de quarante sept souls six deniers monnoie, ung rennée avoine, deux chappons.


Item, tient un estaige et aplacement de maison au villaige de Kergluchan en la parroesse de Treguenc ouquel demeurent et que tiennent à convenant congéable soubs ledit de Tréanna [ ... blanc ... ] pour en poïer de taille par an la somme de trante sept souls six deniers, deux rennées avoine et deux chappons.


Item, la somme de sept souls six deniers monnoie de rante que luy est debue par an dessus ungn vieille mazière et ses courtils site au bourg de Rospreden en laquelle demouroit et tint par auchun temps, Lanoanec~ LE SCOUL joignant d'un costé sur le four dudit bourg et d'un bout, devant, sur la Placze dudit bourg.



Item, la seigneurie de ligence et obéissance sur noble home Raoul de Coetforn, sieur de Coetforn à cause de deux parcs et pieczes de terre appellées An Coz Parc site près le villaige de Loc Jehan en la parroesse de Kernével. [Les]quels parcs sont aussy prouche dudit sieur de Tréanna pour luy en estre poyé la somme de douze deniers monnoie de chefrante par an à chacun terme de la Chandeleur.



Item, la seigneurie de ligence, obéissance à foy et rachat sur Margarite Ernothon famme [de] Yvon de La Porte à cause d'ung vieille mazière et vieil aplacement de maison et terres y joignants appellé Maguer Merien site ès appartennances du village de Pendreuc en la parroesse de Treguenc tenu par Eude~ de La Porte pour en poïer audit de Tréanna de chefrante la somme de deux souls monnoie à estre poïés à chacun dernier jour de janvier ?



Item, la seigneurie de ligence sur le mannoir o son moulin de Keroulin~ et ses issues et appartennances site en la parroesse de Beuzec appartenant à noble escuyer Yvon SALOU sieur de Toulgoet, dessus lequel est debu de chefrante audit sieur de Tréanna la somme de deux deniers monnoie à estre poïés à chacun ... jour de Chandeleur?.


folio vii, verso]


Item, la seigneurie de ligence dessus ung pré que tient Constance ESTIENNE ? site près la ville de Concq pour luy en debvoir pour l'an la somme de dix souls ?
[Note : Constance Estienne est veuve de Jehan Beaucours, cf. Chever f° 22 r° et 85 v°]


Item, dessus la maison o ses courtils qui fut aultrefois à feu Guillaume FLOCH tenus par ses héritières près la ville de Concq pour luy en poïer de chefrante vignt cinq sols.


Item, dessus la maison de Jehan BIZIEN ~ estante sise fausbourgs de Concq, douze sols.


Item, dessus les maisons et courtils de la famme [de] Jacques CAILLEBOTE, Xpofle [Christophe] CAILLEBOTE [doit] la somme de dix sols.


La seigneurie de ligence, foy, homaige, et obeissance sur Marie CARADEC veuffve de feu André COLLYOU o debvoir de rachapt à cause d'un parc appellé Parc Run bihan, ungne piecze de terre appellée Run an Quelinyc sise ès appartennances du villaige de Kervyel [Kerveil] en la parroesse de Gabéric o la charge de cincq souls de chefrante.


Item paraille obéissance et seigneurye sur Jehan LE GAC du villaige du Quellennec en ladite parroesse à cause des terres et héritaiges que icelui GAC tient au fyé prouche dudit de Tréanna ès appartennances dudit villaige pour en poïer de chefrante audit de Tréanna, neuf souls dix deniers monnoie à chacun moys de janvier ? et la somme de trois souls troys deniers monnoie à cause des héritaiges que Yvon GUILLOU~ tient soubs ledit LE GAC à tiltre de taille au villaige de ...[ pli ]


Item la seigneurie de ligence sur les héritaiges [de] Caznevet RICHART, Allain RICHART et Marye RICHART fille [de] feu Guillaume RICHART de ladiite parroesse d'ergué Gabéric pour en poïer de chefrante la somme de dixneuf souls.


Item, la seigneurie de ligence sur les héritaiges [de] feu Hervé LE TOUCHER ~ en la parroesse de Briziac ès appartennances des villages de Barré et Le Run pour en poïer audit sieur de Tréanna de chefrante par chacun an la somme de neuf deniers monnoie.


Item la seigneurie de ligence sur les terres [de] Jehan GUILLOU et Henry GUILLOU en ladite parroesse de Briziac pour en poïer de chefrante audit sieur de Tréanna la somme de vignt deniers monnoie.


Item, luy est debu de chiefrante la some de douze deniers monnoie par an dessus le mannoir et villaige de Kerfers apartenant au sieur de Kermynyhy, quel mannoir est en la parroesse d' Ergué Gabéric et au fyé prouche dudit de Tréanna à la dite charge.



[folio viii, recto]

Ensuivent les héritaiges, terres et rantes à ladite Jehanne Penmorvan appartennances et à elles escheus et baillés à valloir en son droict avenant de la succession [de] feu Bertrem [Bertrand] Penmorvan, son père sieur en son temps de Luistienet Meur ?


Et premier,


Le mannoir et tenue de Keranmelin [ Kerveil ] o ses issues et appartenances site en la parroesse d'Ergué Gabéric soubs ladite juridiction de Kempertin tenu desdits sieur et dame de Tréanna à taille par Jehan ROCQUYNET pour en poïer de taille par an le numbre de deux rennées fourmant, deux rennées seigle, quatre rennées avoine et deux chappons.


Item, le villaige de Run Bernard [ Rubernard ] , tenu desdits mariés audit tiltre de taille par Ambrois JEZEQUEL et Caznevet LE MAGUER pour en poïer de taille par an le numbre de deux rennées fourmant, quatre rennées seigle, quatre rennées avoine, deux chappons et quinze souls monnoie.

Dessus lequel lieu est deu de chefrante à nostre dit Sire, ung denier monnoie à estre poyer à chacun jour et feste de la Chandelleur par les mains de Allain KERSURGAR, sergent féaudé en la Court de Kempertin.


Item, le villaige de KerJehan [ Keryann ] en la parroesse d'ergué Gabéric tenu desdits sieur et dame de Tréanna à cause d'elle, audit tiltre de taille par Guillaume LOZECH pour en poïer par an le numbre de ung rennée fourmant, ung rennée et demy seigle, ung rennée et demy avoine.


Item, le villaige de Uhelret~ [ Méouet ? ] ouquel demeurent Allain et Yvon LE BRUNOU en non devis o le sieur de Pratanras pour en poïer ausdits sieur et dame de Tréanna pour son afferant? dudit villaige, de taille par an, trois rennées fourmant, trois rennées seigle, trois rennées avoine et deux chappons.

Dessus lequel villaige est debu de chiefrante à nostre dit Sire, la somme de ouict deniers monnoie par les mains de Allain KERSURGAR sergent féaudé de nostre dit Sire en ladite parroesse que lesdits només debvent poïer en acquist desdits Tréanna et sadite famme.


Item, le villaige de Kerveadic~ ouquel demeurent Jehan MORLAS~ et la veuffve [de] Glehnezec HONNES~ à domaine desdits sieur et dame de Tréanna pour en poyer de taille par an ung rennée et demy fourmant, deux rennées seigle, deux rennées avoine et deux chappons.




[folio viii, verso]

Et a esté présent endroit devant nous et par nostre Court de Rospreden ledit Jehan de Tréanna lequel a cogneu [reconnu] et confessé ce que dessus estre vray et contenir vérité. Et qu'il a droit et est en possession d'avoir et tenir justices patibulaires à trois posts [piliers] en ladite juridiction de Rospreden o cept, court et juridiction sur ses hommes et sujets, excercée par ses officiers que il comect [nomme~] à ladite fin [pour cela], o pouvoir de contraindre sesdits subjects par le jugement de ceste dite court à luy poïer ses debvoirs et redebvances annuelles ? et de procéder ... des myneurs? desdits hommes et subgets.

Et èsdites causes promet et jure obéir à nostre dit Sire comme homme vassal doibt obéir à son seigneur. Et pour présenter cestes, avecques faire la foy et et homaige et fidélité à Nosseigneurs les Gentz des Comptes de ce pays et duché de Bretagne comme et depnts par notre dit Sire à la recepte a ledit Sieur de Tréanna institue Yvon SALOU sieur de Toulgoet [ ... blanc ... ]

Et chacun d'eulx ses procureurs o pouvoir exprès quand à ce.
Et générallement de faire touts et chacun les aultres choses que ledit Tréanna fairoit ou faire pourroit si est en personne, facson? que le cas requerroit? mondit plus epal- ou piecze de personne ?
Promectant et ledit de Tréanna promis ?et s'est obligé soubs l'obligation et hipothèque de touts et chacun ses biens meubles et immeubles présents et futurs et par son serment avoir ferme et stable et aggreable tout ce que par sesdits procureurs sera faict et procuré tant pour luy que au contract? desdits? juges? , poïer et ad ce? ester si mestier est.

Donné tesmoing de ce le scel estably aux contracts de notre dite Court à cestes mis.
Ce fut faict et gréé en la maison de aye [maître ?] Jehan LE BRIZ au bourg parrochial d'Elient le dix septiesme jour de may l'an mil cincq cents quarante.


[ Signatures de : ]

J. de Lesmaes passe
[voir même signature pour Mesaler ou Treffuel]
G. Salou passe



K/perCorin Conq, Foesnant et Rosprodan

Treanna

Adveu des manoirs, terres, seigneuries et dépandances de Treanna et Kerranmelin et aultres tenues et villaiges estans sous les jurisdictions susdites présenté par Jan de Treanna et Janne de Penmorvan sa femme le xxiie may M vcts xl

iiic iiiixx xix
[autre écriture] Trois cens quatre vingt dixneuf