| Source : FRAD044 B 1235, cahier de parchemins
[Page de garde]
Kpercorantin
Adveu randu par Xpõfle [Christophe] Blohio & sa femme de plusieurs
heritaiges et rantes, tant ès paroesses d'Elyent, de
Langonet que ailleurs, datté du xviième jour de may
an Vct [quarante] et cotté iiiC L
Trois cens cinquante
Eliant
[folio 1, recto]
Déclaration et specifications des terres, rentes, obeissances
et heritaiges que nobles gents maistre Xpõfle Blohio et Francoyse
Le Roux sa femme et compaigne espouse, seigneur et dame de Rochantic
et du Cleuziou et Jehanne Kerguz, damoiselle, veuffeve [de] feu Jehan Le Roux, mère
de ladite Francoyse, tiennent noblement en prouchaine seigneurie de ligencze
à foy et debvoir de rachapt quant le cas advient, de et soubs le
Roy nostre sire, usufructuaire du duché de Bretaigne, père et
légitime administrateur de monseigneur le dauphin son fils, duc et
seigneur propriettaire dudit pays, ès jurisdictions de Rospreden
Kempercorentin et Gourrein ès parroisses et lieulx cy après déclerés.
Premier
En la Juridiction de Rospreden
en la parroisse d'Elyent
Ledit Blohiou rapporte que, à cause des
succession [de] feu noble escuier Bernard Blohio
son père decebdé envyron dix ans [y] a, tient oudit fyé
le manoir de Rohantic o ses yssues et apartenances
oùquel Il demeure en la paroisse d'Elyent non
arranté, contenant soubs maisons, pourpris
jardrins, vergers, aire, joignants ausdites maisons
y comprins ung courtill oùquel il y a une chapelle,
envyron deux journaulx de terre. Et pour ce : ii journaulx
Item, soubs parcs et clostures de terre chaulde
à présent soubs labeur, envyron six journaulx de terre.
Pour ce : vi journaulx
Item, soubs boys de haulte fustaye envyron
troys journaulx de terre. Pour ce : iii journaulx.
Item, soubs jeune boix envyron ung journeau
et demy de terre. Et pour ce : i journeau & demy
Item, soubs terre froide et pasturaige envyron
ouict journaulx de terre. Pour ce : viii journaulx
[folio i verso]
Item, soubs terre de pré fauchable envyron
six journées à faucher. Pour ce vi journées à faucher
Item, doubs pré gaiffné et froid envyron quatre
journaulx de terre. Pour ce ...
Et n'est comprins oudit fyé ung parc appellé
Kerhalec Bihan, [le]quel est des apartenances dudit
manoir proufilté par ledict Blohio, contenant
envyron troys journaulx de terre pour ce [parce] qu'il
est ou fyé [fief] prouche de Botpadern, à la charge
de ung quarteron froment de chieffrante par an.
Quel manoir o ses yssues fiert d'un endroict
sur le chemyn conduisant de Tréanna à Kempertin,
d'aultre endroict sur le villaige de Quillien,
d'aultre endroict sur une garenne et terres
à Marie Gueguennou [~ Kereven], d'aultre endroict sur le
villaige de Kerhalec et aultres terres apartenantes
audit Blohio, d'aultres endroicts sur partie du
manoir de Kerrouant. Dessus lequel manoir de
Rochantic est debu de chieffrante par an à ladite
Court de Rospreden ung quarteron froment de
chieffrante à estre poyé et randu au Bourg
d'Elyent à chacune feste de Nostre Dame de La
Chandelleur chacun dit an.
ITEM, le lieu estaige et tenue et ses
apartenances oùquel demeure Yvon LE MEUR à convenant
congéable près ledit manoir de Rochantic pour
en poyer de taille audit Blohio à chacun terme de
Monsieur Sainct Michel Montegarganne, la somme
de trante ung souls ouict deniers monnoie et ung
chappon. Pour ce : ...
ITEM, dessus le lieu ou desmeure Germain LE
MEUR, près ledit manoir, la somme de quinze souls
monnoie par an de taille. Pour ce : ...
[folio ii recto]
ITEM, la seigneurie de ligence, feme?, droicts
et obéissance lige dessus ung tenement nommé
Kerfort tenu par lesdits Germain et Yvon LE MEUR
au fyé prouche dudit Blohio pour luy en poyer
la somme de vignt et quatre souls monnoie, deux
rennées avoine et deux chappons de chieffrante par an
à chacune feste de Monsieur Sainct Michel. Et pour ce : ...
ITEM, la seigneurie de ligence dessus ung parc
tenu par Yvon LE HADER au villaige de Penancoet [Penhoat],
quel parc fiert d'un costé sur le chemin conduisant
de Kerfort audict villaige de Penancoet, d'aultre
endroit sur ung parc tenu par ledit Yvon Le Meur, des
apartenances du villaige de Kerangain. Dessus
lequel parc est debu de chieffrante audit Blohio
par an la somme de six souls. Pour ce : ...
ITEM, lesdits Yvon et Germain Le Meur et Yvon
Le Hader debvent poyer et poyent pour le fyé dudict
Blohio et à son acquit, le jour de Nostre Dame
de la Chandelleur au Roy nostre Sire, troys quarterons
froment. Et pour ce : ...
Et audit Blohio de chieffrante en oultre, troys
deniers monnoie à pareil jour. Pour ce : ...
ITEM, tient le villaige de Kerhalec sittué
en ladite parroisse, tenu de luy à tiltre de taille par Canevet
CALLOUCH et Pierres GUILLOTRÉ, pour en poyer la
quarte gerbe du blé que Ils y gaignent par an
pour taille. Quel lieu peult valloir par communs ans
la somme de quarante souls. Pour ce : ...
ITEM, le moulin à eau o son byé et bardeau
près ledit villaige de Kerhalec non arranté et
pourtant qu'ils est proufilté de la maison qu'il peult
valloir par communs ans. Pour ce : L s. [50 souls ?]
[folio ii verso]
ITEM, la seigneurie de ramaige et obeissance
et? debvoir de meurt? sur le manoir de Kerrouant et le
villaige de Kermap Jouhen apartenant aux hoyrs [de] feu
Charlles an Hehoc? sittués en ladite parroisse d'Elyent.
ITEM congnoist ledit Blohio estre sergent féaudé
de ladite Jurisdiction de Rospreden sur les demeurants en la
parroisse d'Elyent, ses treffves et fillettes et sur les
demeurants en la parroisse de Tourch, o la charge
de lever les taux et amandes quieulx seront
imposés sur lesdits demourants esdites parroisses, ayant
une septiesme partie desdits taux et amandes et o la
charge de poyer au recepveur de nostre dit Sire à chacune
feste de la Sainct Gille la somme de vignt souls
monnoie à cause de ladite sergentie, o pouvoir de la servir
par commis. Et pour ce : ...
En la Jurisdiction de Gourrein en
le parroisse de Langonet
Tient soubs nostre seigneur, un villaige appellé Dismaern [Dismeon]
oùquel demeurent Jehan ULYAC, Pierre ULIAC et Loys
FRAVAL, hommes à desmaine dudit Blohio pour luy en debvoir
poyer de taille par an, mediatim à chacun premier jour de
may et à la Sainct Michel Montegarganne la somme de
sept Livres monnoie. Pour ce : vii Livres.
Plus en ladite Jurisdiction de Rospreden
La somme de soixante souls monnoie de rante à luy debue
dessus le manoir du [ blanc ] en la parroisse de Scazre
oùquel demeure Gauvaign an Hezre. Pour ce : ...
ITEM, ung lieu et estaige quel tient dudit Blohio de
taille Jehan LE LAENNEC de Scazre pour en poyer par an
à chacun jour de monsieur Sainct Michel Montegarganne vignt
et cincq souls monnoie, une rennée avoine et deux chappons.
Pour ce : ...
ITEM, ung pré sittué entre ledict manoir de
Rochantic et le tènement de Guen an Caru [~ Quillien] contenant ung
demy journau af... acoustumé estre afermé à dix souls
monnoie par an. Pour ce : x souls
ITEM, ung petit courtill tenu par Yvon GUILLOTRÉ
[de] Quillien dudit Blohio, de taille pour en poyer ung
chappon de ferme par an. Pour ce : i chappon
ITEM, la seigneurie de ligencze sur ugn parc appellé
Parc an Vezo? sittué entre Landanet et Kerangain, dessus
lequel est debu de chieffrante audit Blohio ii deniers obolle par chacun an.
Pour ce : ii d. obolle
ITEM la seigneurie de ligencze dessus ugn parc appellé [ blanc ]
apartenant à Alain CAMELLAT [Cavellat ?] sittué ès apartenances de Larlan dessus
lequel est debu de chieffrante par an audit Blohio ii deniers obolle
[folio iii recto]
ITEM, deux tenues et estaiges ou villaige de Kermezhoent [Kervéant]
en la parroisse d'Elyent tenu à taille dudit Blohio par Yvon
LE ROUX et Pierres LE GRANT pour en poyer douze
Livres de taille par an. Sur lequel villaige il y a
proceix pendant, entre ledict Blohio et Alain
Kersulgar seigneur de Maesanlès, au débat de la possession
que ledict Kersulgar prétand avoir oudict lieu ad ce
que ledict Blohio l'a acquis de Olivier BEAUCOURS
et sa femme.
ITEM, la seigneurie de ligencze sur le lieu et villaige
de Kerhoapuezre apartenant en fond au seigneur de Tréanna
oùquel demeure Alain JAOUHEN. Dessus lequel lieu
ledict Jouhen et ses prédécesseurs poyent pour le fyé dudict
Blohio et en son acquit au recepveur du Roy mon Sire
à chacune dicte feste de la Chandelleur ung quart[eron ?] froment.
Et pour ce : ...
Et audict Blohio de chieffrante ung denier
à chacune dicte feste. Et pour ce : i d.
ITEM, tient une petitte maison et courtill au villaige
de Kermeryen en ladite parroisse d'Elyent. Dessus lesquieulx luy
poyent Yvon et Charlles LE BLEIZ la somme de deux
souls six deniers. Pour ce : ii s. vi d.
ITEM, pour de terre (sic) au villaige de Lanniguet [Lanniec]
apartenant audit Blohio tenus par Hervé LE VIGOUROUX et
Ambroys GUILLERMOU et Katherine LE VIGOUROUX
sa femme à ferme pour en poyer par an de taille
audict Blohio xii s. vi d.
Et ladicte Francoyse Le Roux tient à cause
de la succession de feu Jehan Le Roux son père mort
et decebdé envyron vignt et cincq ans [y] a, en ladite jurisdiction
de Rospreden en ladicte parroisse d'Elyent, le villaige
o toutes ses yssues et apartenances de Kerneneur [Kernavenant ?] sittué
en la parroisse d'Elyent oùquel villaige desmeurent
et tiennent à tiltre de taille soubs ladicte Francoyse
Le Roux, Guillaume LE GALAND, Henry LE PRISET,
Barnabé MAU, les enffants [de] Clément LE PRISET, pour
en poyer de taille par an Scavoir
Guillaume Le Galand :
vi rennées froment
vi rennées seigle
vi rennées avoine
ii chappons
[folio iii verso]
Et ledict Henry Le Priset :
iii rennées froment
iii rennées seigle
iii rennées avoine
i chappons
Ledict Barnabé Le Mau :
ii rennées froment
ii rennées seigle
ii rennées avoine
i chappons
Et lesdicts enffants dudict Clément Le Priset :
i rennées froment
i rennées seigle
i rennées avoine
i chappons
ITEM, une parcelle de boys revenant appellé
Coet Pensorn sittué entre ledict village de Kereneur
et le villaige du Run et Botdeniel [Bois Daniel].
ITEM, la seigneurie de ligencze sur la moictié
d'une montaigne appellée Menez an Leur Main [~ Kervélen Vihan] sitte
près ledict boys et entre ledict boys et le
villaige de Kerrivelen [Kervélen] apartenant à nostre dict Sire, joignante
ladicte montaigne d'un endroict sur ledict boys, d'aultre
endroict sur l'eau qui dévale devers Sainct Guennel et
Bot Denyel et se rand à la Chaulsée nommée Chaulser
Poulmic [~ Ty Mao]. Dessus laquelle moictié de montaigne
Jehan LE BIHAN dudict villaige de Kerrivelen doibt
à ladicte Francoyse Le Roux, la somme de quinze souls de
chieffrante par an. Pour ce : xv s.
ITEM, la quarte partie d'une montaigne appellée
Menez Kertanguy, aultrement Menez KenechTanguy ou
Pensorn, sittué près ledict villaige de Kereneur [Kernavenant ?]. Dessus
laquelle quarte partie de montaigne est debu
de chieffrante à nostre dit Sire par an à chacune feste
de la Sainct Gille la somme de cincq souls sept deniers
obolle monnoie. Pour ce : v s. vii d. obolle.
[folio iv recto]
En la Jurisdiction de Kempertin
Ladicte Francoyse Le Roux tient le lieu, estaige et
tenue o ses yssues et apartenances oùquel demeure Jehan
KERFERRE ou villaige de Silonnnutin [Sulvintin] en la parroisse d'Ergué
Gaberyc pour en poyer ausdits Blohio et sadite femme pour taille
la quarte gerbe du blé qu'il faict gaigner audit lieu
par chacun an et deux chappons ; quel lieu vault par communs ans :
ii rennées froment, ii rennées seigle, ii rennées avoine, ii chappons.
ITEM, la somme de dix souls monnoie de rente dessus
le villaige de Penanquenech que Yvon LE GARS luy doibt
poyer à chacun terme de sainct Michel.
Pour ce : x souls
ITEM, ung parc appellé Parc Guerne sittué près le
villaige de Cutuillic en ladite parroisse d'Ergué-Gaberyc tenu
à taille par Alain LE BERRE pour en poyer par an : viii s. iiii d.
ITEM, les lieux où demeurent Jacob et Mar[gueri]te FLOCH,
Tirien? Quienec~, Yvon TANGUY, Guillaume TANGUY au villaige
de Keranbourre en ladite Parroisse de [ ... blanc ... ] pour en
poyer de taille par an : xxxi s. iiii d.
Plus en ladite Jurisdiction de Kempertin
Jehanne Kerguz, mère de ladite Francoyse Le Roux, tient
en prouchaine seigneurie de ligence, subgect à foy et
debvoir de rachapt soubs nostredit Sire, le villaige
et ses apartenances de Kersouch sittué en la parroisse de Ploemeur
tenu à taille à tiltre de taille par Charles et Gueguen LE
SAEREC~ pour en poyer par an la somme de cent quinze souls.
Pour ce : Cxv s.
Dessus lequel villaige est debu de cheffrante à nostredit
Sire, une carñ et demye orge.
Et pour ce : i carñ et demye orge
ITEM, la seigneurie de ligencze sur terres et apartenances du
villaige de Kerdanneau en ladite parroisse de Plomeur quieulx, Yvon
et Pierres CALVEZ tiennent au fyé prouche de ladite Jehanne
Kerguz pour luy en poyer de cheffrante par an la somme
de saize souls ouict deniers monnoie. Et pour ce : xvi s. viii d.
ITEM, le lieu, estaige et tenue de Lostanguillec oùquel
demeurent la veuffve [de] Alain GRAFFNIC et LAVENANT son
gendre en la parroisse d'Ergué Gaberyc pour en poyer à ladite
Jehanne Kerguz de taille par an la sommme de : iiii Livres x sols.
ITEM, deux parcs et pieczes de terre ès apartenances du
villaige de Kerherziou~ en ladite parroisse, tenus de ladite Jehanne
Kerguz à taille par Jehan LE DEFFAL pour en poyer la somme
de sept souls six deniers monnoie par an. Pour ce vii s. vi d.
ITEM, ung parc et piecze de terre ès apartenances du villaige
de Keruzou~ en ladite parroisse de Briziac [Briec] tenu à taille de ladite
Jehanne Kerguz par Jehan LE COZQUERIC pour en poyer par an viii s. iiii d.
ITEM, la somme de quinze souls monnoie et deux
chappons de chieffrante par an dessus le lieu & ses
apartenances oùquel demeure Jehan MAT au villaige
de Cozqueric en ladite parroisse.
Et pour ce : xv s. ii chappons.
Et tout ce que dessus, ledit noble escuier maistre Xpõfle Blohio
et damoiselle Francoyse Le Roux sa compaigne, seigneur et damme de Rochantic
et du Cleuziou, et ladite Jehanne Kerguz, présents endroict devant nous par
nostre court de Rospreden en personnes, après que ledit Blohio a auctorizé et
auctorize ladicte damoiselle sa compaigne et à sa requeste quant
à tout le contenu en cestes, congnoissent et certiffient estre voy et véritable.
Et à icelle cause promectent et jurent foy et fidélitté au Roy nostredit Sire
usufructuaire, père et légitime administrateur surdit? Et s'obligent luy faire
tous et chacun les aultres debvoirs et servitudes seigneuriaulx à luy et à sesdictes
Courts et chacun debus et apartenants. Et sellon la nature desdits fyés [fiefs] et chacun.
Et pourtant que [parce que] ainsin l'ont lesdits mariés et chacun, promis, gréé, et juré,
les avons et chacun d'eulx de leurs consentements par nostre dicte court condempnés et
les y condempnons. Et pour présenter ladite foy et homaige de fidélité et
lesdictes pieczes par escript ont lesdits Francoyse Le Roux et Jehanne Kerguz
institué et par cestes instituent ledict Blohio leur procureur o [avec] pouvoir exprès quant ad ce,
promectants et ont promis soubs obligation de leurs biens et par leurs serments
avoir aggréable ce qui pour elles sera faict, le juge poyer et adroict
ester. Donné tesmoign de ce le sceau estably aux contracts de nostredicte
Court à ceste mis. Ce fust faict et gréé en la maison où
desmeure maistre Jehan Le Briz au bourg d'Elyent le
dix septiesme jour de may l'an mil cinq cents quarante.
Constat en interligne : Blohio les approuvé.
[signatures :]
J. de Lesmaes, passe
[Note : une seule signature de "passe" ?
C. Blohio le déclarant est lui-même notaire ou procureur...]
|
