31 janvier 1539 : Réformation du Domaine à Rosporden
|
|
Calendrier : Julien (ancien style) : Il faut attendre Pâques pour changer de millésime ! |
|
1001
1101
1201
1301
1401
1501
1601
1701
1801
1901
2001
2101 |
| Contexte :
Le roi de France fait procéder a une révision des biens fonciers en Bretagne notamment en contrôlant les titres de propriété. |
| Source : FRAD044_B_1236, registre
Peut-être déclassé ?
La Rue de la Porte, commençant
31 – Un emplacement de maison étant entre la Porte de la Ville et le jardrin et courtil appelé Liorz Porz an Kaer, aux enffans Jehan de LA LANDE, dont maistre Charles CORFFMAU, garde d'iceulx enffans confesse devoir unze deniers et promet continuer. Et pour ce… 32 - Ung courtil clos, cerné de mur appellé Liorz Porz ar Kaer joignant d'un endroict audict emplacment cy-devant aux enffans feu Jehan de LA LANDE unze deniers que maistre Charles CORFFMAU garde desdicts enffans confesse devoir. 33 – Ung aultre courtil joignant le courtil précédent qui fut à Alain de LA LANDE, à présent à Christophe PERONET à cause de de Jehanne DU MOULLIN sa femme, seix deniers que ledict Christophe confesse devoir.
Et pour ce… 34 – Ung parc joignant audict courtil précédent d'un endroict que Bastien LE GOAPEZRE, procureur et fabricqueur de l'église de Rospreden dict estre à ladite église confessant devoir vingt et ung deniers a promis continuer. Et pour ce… 35 – Ung aultre parc joignant ledict parc, que ledict Bastien LE GOAPEZRE fabricqueur sudict dict estre à ladicte église [le]quel confesse doze deniers. Et pour ce… 36 – Ung aultre petit parc joignant ledict parc précédent faisant le coign du chemyn pour tourner d'aller à St Ylouer que tient Allain et Gabriel FLOCH qui confessent debvoir neuff deniers. Et pour ce…
L'autre cousté de la Rue des
37 – La maison qui fust à Philibert FLOCH à présent a Allain et Gabriel FLOCH, joignant d'un cousté au boult de la chaussée de l'estang dudict Rospreden ; d'aultre cousté au russouer dudict estang : douze deniers que confessent ledicts FLOCH devoir. Et pour ce… 38 – Une vieille mazière et emplacement de maison de l'autre cousté dudict russouer qui fust à Phelibert FLOCH et à présent ausdicts Allain et Gabriel FLOCH qui confessent devoir dix-huict deniers. Et pour ce… 39 – Une maison joignant ledict emplacement qui fust aultrefois à Jehan FLOCH, à présent à Nycollas KERAUDREN ? qui confesse devoir neuff deniers. Et pour ce … 40 – Ung aultre emplacment de maison avecques son issue joignant la maison précédente qui fust à Guillaume LE BRETON à présent Clémens ? LE BRETON qui confesse devoir neuff deniers. Et pour ce… 41 – Une maison joignante ledict emplacement d'un cousté qui fut à Yvon ROUGEON ; à présent à Michel ROUGEON qui confesse devoir troys soulz. Et pour ce… 42 – Ung emplacement de maison o son jardrin joignant ladicte maison de ROUGEON qui fut à KERANBOCZE ; à présent à Guillaume LE BRETON qui confesse devoir dix-huict deniers. Et pour ce… 43 – Ung emplacement de maison joignant ledict emplacment précédent qui fut à Guillaume LE GOAPEZRE à présent à Glazren LE GOAPEZRE qui confesse devoir troys soulz. Et pou ce… 44 – Une maison avec son jardrin derrière qui fut aultrefoys à Jacques HENRY ; à présent à Ernault AUFFRET, joignant ledict emplacment cy-dessus ; dix-huit deniers que ledict AUFFRET confesse devoir. Et pour ce… 45 – Ung emplacement de maison avecques son jardrin joignant ladicte maison précédente qui fut audict Jacob HENRY et à présent audict AUFFRET qui confesse devoir dix-huict deniers. Et pour ce… 46 – Une maison o son jardrin derrière joignant l'emplacement précédent qui fut aultrefoys à Guillaume LE BRETON le jeune, à présent à Glazren LE GOAPEZRE qui confesse devoir dix-huict deniers.
Et pour ce… 47 – Ung emplacment de maison joignant la maison précédente qui fut à Jacob JAFFREZ à présent à Georget HENRY qui confesse devoir dix-huict deniers. Et pour ce… 48 – Ung emplacement de maison et son jardrin derrière avecq ung petit emplacement d'appantys qui furent à Jacques JAFFRAY à présent à Ernault AUFFRET joignant l'emplacement précédent deux soulz seix deniers que ledict AUFFRET confesse devoir. Et pour ce… 49 – Une maison avecques son jardrin derrière qui fut à Glazren LESTENNET? joignant l'emplacement précédent à présent à Jehan GOALICHET, dix-huict deniers qu'il confesse devoir. Et pour ce… Ung emplacement de maison avecq son jardrin joignant la maison cy-devant a esté de nouveau baillé comme sera cy-après déclaré au rang des nouvelles baillées. Et pour ce : Néant. Ung aultre emplacment de maison avecq son yssue derrière joignant l'emplacment cy-devant pareillement de nouveau baillé comme sera cy-après déclaré au ranc des nouvelles baillées. Et pour ce : Néant 50 – Une maison o son yssue derrière joignante l'emplacement précédent qui fut au STEUFFRCE ? à présent à Bernard LE GOFF et Jehanne LE PENGLEU à cause d'elle ; dix-huict deniers qu'ils confessent devoir.
Et pour ce … 51 – Deux emplacements de maisons estans en deux emplacements à présent entre ladicte dernière maison et la première venelle par laquelle fault tourner en la Rue des Moullins en venant des moullins à l'église Notre-Dame ; qui furent aultreffoys à KERANBOCZE, à présent à Allain GAIGÑ et Marie PERIOU sa femme qui confessent devoir seix soulz. Et pour ce … 52 – Deux emplacements de maison avecques leur yssues derrière joignans ladicte venelle qui furent à Dom Guyguen GUZCUFF, à présent à Thomas GUYGUEN (sic) qui confesse devoir deux soulz. Et pour ce… 53 – Une maison joignante lesdicts deux emplacements qui fut aultreffoys audict Dom Guyguen GUZCUFF, à présent à Thomas GUYGUEN qui confesse devoir doze deniers. Et pour ce… 54 – Un emplacement de maison o son jardrin joignant la maison précédente qui fut aultreffoys au GOAPEZRE, à présent à Jehan GOALABRÉ qui confesse devoir dix-huict deniers. Et pour ce… 55 – Un jardrin clos et cerné de mur estant en ladicte rue sans oupverture de l'autre cousté de ladicte dernière venelle et d'aultre cousté à la maison Bernard TORCHEN aux enffans feu Jehan DE LA LANDE que Maistre Charles CORFFMAU au nom et comme garde desdits enffans confesse devoir dix-huict deniers. Et pour ce … 56 – Une maison o son jardrin joignante ledict jardrin qui fut à Jacob TORCHEN, à présent à Bernard TORCHEN qui confesse devoir dix-huict deniers. Et pour ce… 57 – Une maison couverte de glé joignant à la maison précédente aux enffans feu Jehan de LA LANDE, Dom Maistre Charles CORFFMAU garde desdits enffans confesse estre deu dix-huicts deniers. Et pour ce… 58 – Une maison et son courtil joignant la précédente ausdicts enffans du feu Jehan de LA LANDE appelée la maison du CARS ? dont ledict Maistre Charles CORFFMAU oudict nom confesse devoir troys soulz.
Et pour ce… 59 – Un emplacement de maison o son yssue appartenant ausdicts enffans DELALANDE joignant la maison précédente dont confesse ledict CORFFMAU oudict nom debvoir dix-huict deniers. Et pour ce… 60 – Une maison joignante ladicte maison précédente oupvrante sur le Puys [puits] de ladicte Ville ; faisante pour aller de la maison du TEAUDEC aux moullins qui fut à Guillaume LE DUYGOU, à présent [...blanc...], qui confesse devoir dix-huict deniers. Et pour ce… 61 – Une maison joignante ladicte maison précédente oupvrante pareillement sur ledict Puys de ladicte Ville qui fut aultreffoys à Yvon LE LAÑ, à présent à Dom Henry LE LAÑ et Marie LE LAÑ qui confessent devoir dix-huict deniers. Et pour ce… 62 – Une maison o son jardrin et estable joignante une venelle pour aller du Puys à Coethernel qui fut à feu Yvon LE LAÑ à présent à Pierre LE TÉAUDEC qui confesse devoir doze deniers. Et pour ce… 63 – Une maison aux héritiers feu Jehan DELALANDE joignant ladicte maison précédente doze deniers que ledict CORFFMAU audict nom confesse devoir. Et pour ce… 64 – Une aultre maison qui fut à Jacques HENRY joignante ladicte maison à présent à Georget HENRY qui confesse devoir doze deniers. Et pour ce … 65 – Une maison o son yssue ausdicts enffans dudict feu Jehan DELALANDE joignante ladicte maison précédente ; confesse ledict CORFFMAU audict nom devoir dix-huict deniers. Et pour ce… 66 – Une maison joignante la maison précédente faisant le coign pour aller du Puys à la Cohue dudict Rospreden qui fut ausdicts héritiers dudict DELALANDE confesse ledict CORFFMAU audict nom debvoir dix-huict deniers. Et pour ce… 67 - Une aultre maison joignante au bout de la maison cy-devant et faisant le coign pour aller de la Placze du Marché à la Cohue ausdicts enffans de feu Jehan DELALANDE ; confesse ledict CORFFMAU audict nom devoir dix-huict deniers. Et pour ce… 68 – Une maison servante pour estable joignant la maison feu Bertran DELALANDE ferant d'un cousté sur le chemyn pour aller de la Cohue à l'église aultreffoys à Michel PHELIPPES garde du fils [de] feu Bertran DELALANDE, dix-huict deniers. Et pour ce… 69 – Une maison o son courtil derrière oupvrante d'un bout sur la Cohue dudict Rospreden et d'un cousté sur ladicte estable ; confesse ledict PHELIPPES audict nom devoir dix-huict deniers. Et pour ce… 70 – Un emplacement de maison joignant d'un bout sur ladicte maison précédente et d'un cousté sur la Cohue dudict Rospreden ; quel emplacement Maistre Hervé Kerpérennès qui confesse devoir dix-huict deniers.
Et pour ce… Deux emplacements de maison o leurs courtils adjaczans l'un à l'autre d'eulx joignants ladicte maison de feu Bertran DELALANDE vis-à-vis des Prinsons [prisons] dudict Rospreden ont esté baillés de nouveau comme sera cy après déclaré au chappitre des nouvelles baillées (voir ~378).
Cy endroict : Néant 71 – Un petit courtil cerné de murs joignant aux emplacements précédents d'un endroict et d'autre endroict sur le chemyn de l'église au Pont Bolouen avecques une maison o son parc derrière appelé Gogauel? sur ledict chemyn de l'église audict Pont Bolouen à Jehan COETFORN qui confesse devoir doze deniers. Et pour ce … 72 – Une maison o son jardrin derrière qui fut à Meryen LE GOFF joignante d'un cousté sur le courtil Jacques GOFF, d'aultre cousté sur aultre courtil à Mahé LE ROY ; à présent à Guillaume LE REGNARD qui confesse devoir doze deniers. Et pour ce… 73 – Ung courtil qui fut aultreffoys à Guillaume LE ROY, à présent à Mahé LE ROY ? joignant la maison précédente d'un cousté et d'aultre contre ung aultre petit courtil à Phelibert TORCHEN dont cognoist ledict ROY devoir doze deniers. Et pour ce… 74 – Ung courtil audict Phelibert TORCHEN joignant ledict courtil Mahé LE ROY d'un cousté d'aultre endroict le chemyn de la Cohue à Pont Boulouen ; neuff deniers que ledict TORCHEN confesse devoir. Et pour ce… Ung courtil derrière la maison dudict REGNARD et les deux précédentes courtils aboutissants sur le chemyn du Pont Boulouen à la Cohue ; à raison que Jehan LE MOINGOFF disoit estre héritier de Guennolay DU MOULIN l'avouoit pareillement Michel PHELIPPES et aussi Christophe PERRINET [Peronet ?] à estre baillé à esteincte de la chandelle comme sera cy-après déclaré au chappitre des nouvelles baillées. 75 – Ung parc cerné de muraille qui fut à feu Bertran DELALANDE joignant d'un cousté au courtil précédent d'un bout sur ledict chemyn de la Cohue audict Pont Boulouen contenant ledict parc envyron ung journau de terre dont Michel PHELIPPES comme garde du fils dudict Bertran confesse devoir dessus quatre souls monnoye. Et pour ce… 76 – Un aultre parc contenant ung journau et demy de terre appellé Plumarein joignant d'un cousté audict parc précédent et de l'autre cousté et d'un bout à l'estaige dudict Rospreden, que occupent Yvon COZDEN, Jehan QUENECH HERVÉ, Yvon LE GOFF, Canévet LE GOC, Allain CAVALLAT, Yvon LORVILLON, Allain FLETRAS [FLATRES?] qui confessent devoir seix souls. Et pour ce… 77 – Ung petit courtil joignant d'un cousté au parc cy-dessus d'un bout sur l'estang de Rospreden d'aultre bout sur le chemyn de la Cohue audict Pont Boulouen que à présent occupe Yvon TORCHEÑ à tiltre de louyer de Guillaume DELALANDE de Concq qui confesse neuff deniers estre deus. Et pour ce… 78 – Ung aultre petit courtil entre ledict parc précédent et le bout du Pont Boulouen du bout sur l'estang qui fut à Guillaume LE DUYGOU à présant occuppé par Marie LE DUYGOU qui confesse devoir au Roy quatre deniers.
Et pour ce … [En 1641, folio 251]
L'autre cousté du chemyn
79 – Ung petit courtil joignant ledict Pont et d'un bout sur ledict petit estang de Rospreden qui fut à Riou CALVEZ, à présent à Hervé CALVEZ qui confesse devoir neuff deniers. Et pour ce…
[Note : Le "Petit Estang" a été comblé depuis. On y avait installé un supermarché qui a été inondé…] 80 – Ung aultre petit courtil joignant le courtil précédent d'un cousté et d'un bout sur ledict estang de Rospreden qui fut à Mahé JOLIS. À présent à [ blanc ] qui confesse devoir neuff deniers. Et pour ce … 81 – Ung aultre petit courtil joignant ledict précédent courtil entre lesquels n'y a aulcune closture qui fut à Guillaume CORAY à présent à Dom Allain CORAY qui confesse devoir neuff deniers. Et pour ce… 82 – Ung aultre petit courtil joignant ledict courtil précédent entre lesquels n'y a aulcune closture qui fut aultreffoys à Mahé LE JOLIS, à présent à Jacques LE FAVENNEC qui cognoist devoir neuff deniers.
Et pour ce… 83 – Ung emplacement de maison o son courtil derrière joignant ledict jardrin cy-devant qui fut à Guillaume FLOCH, à présent à Jehan TYLY et à sa femme [Françoise FLOCH, cf. 88] à cause d'elle qui confesse devoir doze deniers.et pour ce… 84 – Ung aultre petit emplacement de maison o son courtil derrière jucques audict petit estang, joignant l'emplacement précédent qui fut à Phelibert FLOCH, à présent à Allain et Gabriel FLOCH qui cognoissent devoir doze deniers. Et pour ce… 85 – Une maison couverte de glé o son courtil derrière jusques audict estang de Rospreden qui fut aultreffoys à Jehan CORNIC à présent à Guillaume PEZRON et le tient Yvon TORCHEN de luy à louage, qui confesse estre de neuff deniers. Et pour ce … 86 – Un grand jardrin joignant ladicte maison précédente d'un cousté du bout l'estang dudict Rospreden où y a emplacement d'une maison qui fut à Guillaume TORCHEÑ, à présant à Yvon TORCHEÑ et ses consors qui confessent devoir vingt ung deniers. Et pour ce… 87 – Ung petit courtil joignant ledict jardrin quel ne va jusques audict estang qui fut à Riou CALVEZ à présent à Hervé CALVEZ qui confesse devoir quinze deniers. Et pour ce… 88 – Un aultre petit jardrin qui fut à Guillaume FLOCH, à présent à Jehan LE TYLY et à Françoise FLOCH, sa femme, joignant d'un bout au courtil précédent et d'aultre bout audit estang de Rosporden quel TYLY confesse devoir troys deniers. Et pour ce… 89 – Ung emplacement de maison sans yssue derrière joignant le jardrin précédent qui fut à Riou CALVEZ, à présent à Katherine LE MAU, veuffve de feu Jehan CALVEZ qui confesse devoir doze deniers. Et pour ce… 90 – Une maison o son jardrin derrière joignante d'un aultre audict emplacement de maison qui fut aultreffoys à Marie LE JOLIS, à présent à Jacques LE FAVENNEC qui confesse devoir neuff deniers. Et pour ce… 91 – Ung petit emplacement de maison o son yssue joignant la maison précédente qui fut à feu Jehan DELALANDE à présent aux enffans dudict feu DELALANDE, Maistre Charles CORFFMAU qui confesse devoir seix deniers. Et pour ce … 92 – Une maison o son jardrin derrière qui fut aultreffoys à Michel HENRY, à présent à Barnabas LE LIGEOUR a cogneu devoir troys souls neuff deniers. Et pour ce… 93 – Une maison o son jardrin derrière joignante à la maison précédente qui fut aultreffoys à Guillaume CORAY, à présent à Dom Allain CORAY qui a confessé devoir troys souls. Et pour ce… 94 – Un emplacement de maison o son jardrin derrière à la largeur dudict emplacement joignant ladicte maison précédente qui fut aultreffoys à Amicze COZDEN, à présent à Jehan QUENECH HERVÉ. 95 Un aultre emplacement de maison o son jardrin derrière à la largeur dudict emplacement joignant l'emplacement précédent qui fut à Katherine CORNIC ou Meryen LE GOFF, à présent à Marie LE DUYGOU ; dix-huict deniers qui a confessé. Et pour ce… 96 – Ung aultre petit emplacement joignant l'emplacement précédent o son yssue derrière entre lesquels n'y a aulcune closture qui fut à Meryen LE GOFF, à présent à Margarite CORNIC qui confesse devoir dix-huict deniers. Et pour ce… 97 – Ung courtil joignant l'emplacement précédent qui fut à Guillaume FLOCH, à présent à Françoyse FLOCH femme [de] Jehan LE TYLY et ses consors qui confesse devoir troys souls. Et pour ce … 98 – Une maison avecques son jardrin derrière joignant d'un cousté sur le Marcheys [Marché] au-devant de la Cohue qui fut à Guillaume TORCHEÑ, à présent à Yvon TORCHEÑ et ses consors qui confesse devoir dix-huict deniers. Et pour ce … 99 – Une maison o son jardrin qui fut aultreffoys à Daniel CORNIC joignante ladicte maison précédente une venelle entre deux, à présent Michel PHELIPPES qui confesse devoir dicx-huict deniers. Et pour ce …
Note : Ce Michel PHELIPPES est probablement "passe/notaire" : Le mynu de de La Rivière sera signé chez lui ! 100 – Une aultre maison o son jardrin derrière nouvellement bastie par Phelibert CADORET qui fut à Margarite LE BONNIC? joignante ladicte maison précédente ; ledict CADORET confesse doze deniers. Et pour ce… Ung emplacement joignant ladicte maison précédente d'un cousté et d'aultre cousté à la maison Jehan LE TYLY et Françoyse FLOCH sa femme, à esté nouvellement baillé et rapporté au chappitre des nouvelles baillées. 101 – Une maison o son jardrin derrière joignante ladicte maison cy-devant qui fut aultreffoys à Riou CALVEZ, à présent à Hervé CALVEZ qui confesse devoir dix-huict deniers. Et pour ce… 102 – Sur une maison joignante la maison précédente o son jardrin derrière qui fut à Guillaume GUILLOPE, à présent à Jehanne GUILLOPE femme [de] Loys LE LOUARÑ qui confesse devoir dix-huict deniers. 103 – Une maison joignante à la maison cy-devant o son jardrin derrière et au long ladicte maison joignant à une venelle qui conduict de la Porte à l'estang ; laquelle maison fut à Phelibert FLOCH, à présent à Allain FLOCH qui confesse en devoir deux souls seix deniers. Et pour ce… 104 – Un petit jardrin contenant huict pas de large joignant d'un cousté à la venelle de ladicte Porte audict estang, d'aultre cousté ung seillon de terre à Louys LE LOUARÑ, lequel jardrin fut à Marie KERANBOCZE, à présent à Ernault AUFFRET qui confesse devoir quatre deniers obolle. Et Pour ce… 105 – Un aultre petit jardrin joignant le jardrin cy-devant sans closture contenant huict pas qui fut à ladicte Marie KERANBOCZE à présent Louys LE LOUARÑ qui confesse en devoir quatre deniers obolle. Et pour ce… 106 – Une maison avecques son jardrin derrière et au long de ladicte maison joignante ledict petit jardrin cy-devant d'un aultre qui fut à Phelibert FLOCH, à présent à Allain FLOCH qui confesse devoir neuff deniers. 107 – Un jardrin sans closture joignant ledict jardrin précédent contenant neuff pas de largeur qui fut à Glazren LE SCEUFFVER?, à présent à Bernard LE GOFF qui confesse devoir neuff deniers. Et pour ce… 108 – Un aultre jardrin sans closture joignant ledict jardrin cy-devant contenant neuff pas de largeur qui fut à Guezenec FLOCH, à présent à Gabriel FLOCH et ses consors qui confesse devoir neuff deniers.
Et pour ce… 109 – Ung aultre jardrin sans closture joignant ledict jardrin cy-devant contenant neuff pas de largeur, qui fut à Yvon LE BRETON, à présent à Guillaume LE BRETON qui confesse devoir neuff deniers. Et pour ce… 110 – Ung aultre jardrin sans closture d'un cousté joignant ledict jardrin cy-devant contenant neuf pas de largeur qui fut à Guillaume FLOCH, à présant à Philibert CADORET et ses consors qui confesse devoir neuf deniers. 111 – Ung jardrin joignant le jardrin cy-devant, une closture entre deux contenant treze pas de largeur qui fut à Yvon LE LAÑ, à présant à Marie LE LAÑ qui confesse devoir neuff deniers. Et pour ce … 112 – Ung aultre jardrin joignant ledict jardrin cy-devant sans closture contenant treze pas qui fut à Guillaume FLOCH, à présant à Françoys FLOCH et ses consors qui confesse devoir neuff deniers. Et pour ce … 113 – Ung jardrin joignant le jardrin cy-devant sans closture contenant treze pas qui fut à Allain DELALANDE, à présant à Christophe PERONET à cause de sa femme [Jehanne DU MOULLIN, cf. Item 33] qui confesse devoir neuff deniers. Et pour ce … 114 – Ung aultre jardrin joignant ledict jardrin cy-devant sans closture d'un cousté contenant dix pas qui fut à Jehan DELALANDE, à présant à ses enffans dont Maistre Charles CORFFMAU, garde de ses enffans confesse estre deu neuff deniers. Et pour ce… 115 – Ung petit jardrin qui fut aultreffoys à KERAUDREN joignant d'un cousté à ung petit chemyn qui va de la Porte à l'estang d'un bout au jardrin Allain FLOCH d'aultre bout au jardrin Jehanne YVONOU que à présant tient Hervé LE PORTIER qui confesse devoir cinq deniers. Et pour ce… 116 – Ung petit jardrin joignant le jardrin cy-devant d'un bout, d'aultre bout et d'un cousté à l'estang dudict Rospreden et d'aultre cousté à ung petit chemyn qui va de la Porte à l'estang cinq deniers. Et pour ce … 117 - Ung aultre petit jardrin appellé Le Courtil de la Fosse ferant d'un endroict sur terre au Sieur de Coetcanton et d'un aultres endroits sur deux courtils aux myneurs de feu Jehan DELELANDE dont Maistre Charles CORFFMAU, garde desdicts myneurs confesse devoir cinq deniers. Et pour ce… 118 – Ung aultre petit courtil au bout dudict courtil cy-devant ferant d'un cousté sur terres au Sieur de Coetcanton et d'aultre cousté sur le jardrin à Guillaume LE LOUARÑ et le Jardrin du paradie à présant à Michel PHELIPPES qui confesse devoir cinq deniers. Et pour ce…
Le [dimanche] premier jour de febvrier
119 – Ung petit courtil qui fut à Jacob TORCHEÑ, à présent à Bernard TORCHEÑ joignant d'un cousté à ung jardrin à Allain GARYN et d'un bout sur le chemyn qui conduict des Moullins à l'église confesse ledict TORCHEÑ en debvoir seix deniers. Et pour ce… 120 – Ung aultre petit courtil joignant d'un bout au courtil précédent et d'aultre bout à l'estang qui fut au SCAUFFVEC, à présent à Bernard LE GOFF qui confesse devoir troys deniers.Et pour ce … 121 – Une pièce de terre joignante les deux courtils cy-dessus d'un cousté d'un bout audict estang et d'aultre bout sur ledict chemyn des Moullins à l'église qui fut aultreffoys à Phelibert FLOCH qui confesse devoir seix deniers.et pour ce… 122 – Une aultre pièce de terre joignante la précédente pièce de terre sans closture qui fut à Guillaume LE GOAPEZRE, à présent à Glazren LE GOAPEZRE qui confesse en devoir deux deniers. Et pour ce… 123 – Ung courtil joignant la pièce de terre précédente d'un cousté d'un bout sur l'estang d'aultre bout ledict chemyn des mullins à l'église d'aultre cousté sur l'emplacement au-devant du cymitière [cimetière] de l'église ou y a des arbres. Quel courtil tient Guillaume LE BRETON qui confesse devoir quatre deniers. Et pour ce… 124 – Ung courtil joignant le courtil précédent qui fut à KERANBOCZE aboutissant sur ledict estang d'un bout d'aultre bout sur ladicte piecze au-devant du cymitière, à présent à Ernault AUFFRET qui confesse devoir quatre deniers. Et pour ce … 125 – Ung aultre courtil joignant le courtil précédent d'un cousté et d'un bout ledict estang. Quel courtil fut aultreffoys au GUERÑ à présant à Yvon SALOU Sieur de Toulgoet qui confesse devoir seix deniers. 126 - Ung aultre courtil joignant le courtil précédent d'un cousté d'aultre le cymitière qui fut aultreffoys à Thomas LE GOAPEZRE à présant à Sébastien LE GOAPEZRE qui confesse en devoir quatre deniers. 127 – Ung petit parc joignant l'emplacement vuyde [vide] qu'est au long du cymitière devers le Pont BOULOUEN d'un boult sur l'estang dudict Rospreden d'aultre bout sur le chemyn dudict Pont à l'église qui fut à Allain LE GOAPEZRE, à présant à Yvon LE GOAPEZRE qui confesse en debvoir doze deniers. Et pour ce… 128 – Ung petit jardrin enclos? audict parc cy-devant appartenant à Allain FLOCH qui confesse en debvoir deux deniers; Et pour ce … 129 – Ung courtil joignant ledict parc précédant d'un cousté d'un bout sur l'estang ; qui fut à feu Jehan DELALANDE à présant à ses enffans dont est garde Maistre Charles CORFFMAU qui confesse en debvoir seix deniers. Et pour ce … 130 – Une pièce de terre joignante ledict courtil cy-dessus qui fut audict feu Jehan DELALANDE à présant à ses enffans ledict tuteur et garde en devoir troys deniers. Et pour ce … 131 – Une aultre pièce de terre joignante à ladicte pièce cy-devant qui fut à Jacob HENRY, à présent à Georget HENRY qui confesse en devoir seix deniers. Et pour ce … 132 – Une aultre pièce de terre joignante la précédente qu'on dict estre à l'église tenue par Michel ROUGEON qui confesse deux deniers estre deus sur icelle. Et pour ce … 133 – ung seillon de terre joignant la pièce de terre précédente qui fut à Yvon LE BRETON, à présant à Guillaume LE BRETON qui confesse en devoir deux deniers obolle. Et pour ce … 134 – Ung aultre seillon de terre joignant le seillon précédent qu'on dict estre à l'église tenu par Michel ROUGEON qui confesse deux deniers obolle estre deus sur icelluy. Et pour ce … 135 – Une pièce de terre joignant ledict seillon précédent qui fut audict feu Jehan DE LA LANDE, à présent à ses enffans dont est garde ledict CORFFMAU qui confesse en devoir seix deniers. 136 – Ung seillon de terre joignant la pièce de terre précédente appartenant à Michel ROUGEON qui confesse en debvoir deux deniers obolle. Et pour ce … 137 – Une aultre pièce de terre joignante d'un endroict au seillon de terre cy-dessus, d'aultre cousté à ung parc clos, cerné de fossé appellé An Liorz Bras. Quelle pièce de terre appartient aux enffans feu Jehan DELALANDE dont est garde ledict CORFFMAU qui confesse en devoir seix deniers. Et pour ce … 138 – Une pièce de terre estante au-dessus les pièces de terre cy-devant d'un cousté et d'un bout sur ung parc qui est aux héritiers feu Bertran DELALANDE. Quelle pièce de terre appartient aux enffans dudict feu DELALANDE dont est garde ledict CORFFMAU qui confesse en devoir deux deniers obolle. Et pour ce … 139 – Ung courtil appellé Liorz an Poul, qui fut à Guillaume LE BRETON, à présent à Allain FLOCH, joignant d'un endroict à ladicte pièce de terre précédente ; d'aultre endroict sur ung courtil à Yvon TORCHEÑ dont confesse delict FLOCH en devoir ung denier obolle. Et pour ce … 140 - Ung aultre courtil joignant d'un cousté le courtil précédent, d'aultre cousté à ung aultre courtil qui fut audict feu Jehan DELALANDE, à présent à Glazren LE GOAPEZRE qui confesse en devoir seix deniers. Et pour ce… 141 – Une pièce de terre joignant le courtil précédent d'un cousté contenante dix pas de largeur appartenant e aux enffans feu Jehan DELALANDE sur laquelle ledict CORFFMAU garde susdict desdicts enffans a confessé cinq deniers. Et pour ce … 142 – Une aultre pièce de terre joignante ladicte précédente pièce contenant dix-huict pas que tient Jehan LE BARILLEC soubs Raoul DE COETFORÑ qui confesse en devoir cinq deniers. Et pour ce … 143 - Une aultre pièce de terre joignante ladicte précédente pièce contenant dix-huict pas que tient Jehan LE BARILLEC de Raoul DE COETFORÑ qui confesse devoir cinq deniers. Et pour ce … 144 – Une aultre pièce de terre joignante ladicte précédente pièce d'un cousté d'aultre cousté sur le chemyn qui va de l'église au Pont Boulouen contenante dix-sept pas appartenante à Jacques FAVENNEC? qui a confessé en debvoir quatre deniers obolle. Et pour ce … 145 – Un seillon de terre au bout devers l'estang de ladicte précédente pièce de terre appartenant à Jehan LE BARILLEC qui confesse devoir ung denier. Et pour ce … 146 – Ung courtil clos et cerné de murailles appellé Liorz Chauldic tout cerné de chemyn alentour appartenant au fils [de] Bertran DELALANDE dont est tuteur et garde Michel PHELIPPES qui confesse en devoir dix-huict deniers. Et pour ce … 147 – Ung aultre courtil joignant le courtil précédent, ung chemyn entre deux appartenant à Morice LE DUYGOU qui confesse doze deniers en estre deus. Et pour ce … 148 – Ung seillon de terre contenant cinq pas joignant ledict courtil du Duygou appartenant à Bernard LE GOFF qui confesse deux deniers estre deus. Et pour ce … 149 – Deux pièces de terre en jardrin joignantes l'une à l'autre aboutissantes audict courtil de DUYGOU et dudict seillon cy-devant describé et à l'yssue de l'église, appartenantes à Guillaume LE BRETON et Ernault AUFFRET qui confessent en devoir huict deniers dessus. Et pour ce … 150 - Deux emplacements de maison o leurs jardrins joignant lesdicts courtils et pièces de terre describées par les troys précédens articles d'un cousté ; d'aultre cousté sur le chemyn du puys [puits] commun de la Ville à l'église dudict Rospreden appartenants à Allain FLOCH qui confesse en debvoir quatre fers de cheval au Prince quant il vient en ladicte Ville faisant son entrée en icelle. 151 – Ung petit jardrin clos et cerné de murs sur le chemyn du puys de la Ville, d'aultre cousté sur deux courtils à Jehan GOALABRÉ appartenant à Morice LE DUYGOU, borigne [borgne ?] qui confesse devoir deux deniers. 152 – Une petite maison couverte de glé avecques son jardrin derrière de l'autre cousté du chemyn ferante d'un bout sur l'yssue de l'église Notre-Dame. Quelle maison appartient à Marie DELALANDE qui confesse en devoir dix deniers. Et pour ce … |
Notes
