| Source : FRAD044_B_1236, registre
Les censies du Vieil Marché
et bourg d'Elyent aultrement Sainct Gille
Et premièrement
La place du Marché
près l'église parrochiale d'Elyent
347
Xpõfle [Christophe] COZDEN pour le tènement qui fut aux hoirs à / Dom Guillaume GUÉZENNEC situé entre deux places / et deux venelles c'est assavoir [à savoir] par devant et vers / l'église parrochiale d'un bout. Et d'un cousté à une / venelle qui conduict de ladicte Place du Marché / à la Place Sainct Gille. Et de l'autre cousté à l'endroict / des tènemens Glazren COZDEN à ladicte Place du / Marché cougnoist devoir de cens et rente par / chacun an à chaicun dit terme deux souls seix deniers.
Et pour ce …
348
Dom Glazren COZDEN pour luy et Guillaume, pour troys tènemens l'un appellé le Tènement Carias sur lequel est deu deux souls ; l'autre le Tènement Bleiz sur lequel est deu aultre deux souls ; et l'autre le Ténement du Trihoux sur lequel est deu seix deniers abboutissans par devant à ladicte Place Sainct Gille et par derrière à ladicte Place du Marché ; et tenant d'un cousté de la Grande Rue d'Elyent au tènement Hervé GUÉGUEN et sa femme à cause d'elle qu'est cy-devant nommé Montavie ? en tout à quatre souls seix deniers monnoye de censie quel a cogneu estre deus sur lesdicts tènements de cens et rentes.
Et pour ce …
Note : Le nom Carias est encore porté de nos jours et Trihoux semble connu en Belgique !
[DSCN1008.JPG]
349
Ledict Dom Glazren COZDEN pour ung aultre tènement joignant les troys tènements précédens aboutissant par devant sur la grande Rue d'Elyent vers une grande place vaccante. Et par derrière audict chemyn qui va de Kemper au Faouët d'un cousté sur ladicte place du Marché; et de l'autre conduict vis-à-vis d'une petite venelle qu'est joignante la maison aux hoirs Olivier DONNAL, cognoist devoir la somme de deux souls de cens et rente sur icelluy tènement.
Et pour ce …
350
Le recteur d'Elyent nommé maistre Olivier de TRÉMAREC cougnoist estre deu sur le courtil du presbitère ferant sur ladicte Place et petite venelle cy-devant seix deniers.
Et pour ce : vi d.
351
Une maison o deux courtils, le derrière cerné de mur ?, joignant lesdicts tènemens du COZDEN oupvrant sur la Place Sainct Gille appellé le tènement Notte ? où demeure Guillaume LE CORNEC soubs Marie GUÉGUENOU dame de Keraultret et de Kereven, quel Guillaume LE CORNEC et Jehan de KERGONIOU Sieur dudit lieu, curateur et garde de ladicte Marie ont cogneu doze deniers de cens estre deus dessus.
Et pour ce …
-
Une grant place vaccante et une aultre en triangle à présant vaccante tenant de l'un des coustés sur le chemyn de la Place Sainct-Gille et de l'autre sur le chemin qui va de Kemper au Faouët dont cy-devant est faicte mension et de l'autre cousté devers le Nort au tènement aultreffoys Jehan MORVAN ; quelles places ne sont à présant prouffiltées pour ce que c'est la place commune.
Et pour ce : Néant.
352
Le tènement Morvan, ferant d'un cousté au chemyn du Faouët aboutissant par devant ausdictes deux places vaccantes ; et de l'autre cousté au tènement Laouénan en la Place Sainct-Gille, à présant Barnabas MORVAN détempteur dudict tènement soubs le seigneur de TRÉANNA et Guillaume SALOU, sieur de Kerguenou ; Quels MORVAN et SALOU ont cogneu la somme de sept souls seix deniers estre deue.
Et pour ce …
353
Une maison o son courtil qui fut à Glazren, où demeure Yvon LE MACZON joignant une venelle descendante du Chemyn Hault au Chemyn Bas, à présant audict Dom Glazren COZDEN et Guillaume COZDEN qui a cougneu pour luy et son frère ledict Guillaume, la somme de deux souls seix deniers monnoye de cens et rente estre deue et promis continuer.
Et pour ce …
354
[DSCN1012.JPG]
Une maison o ses estables et four au bout, o leurs courtils tant derrière que costeans qui furent aultreffroys à Olivier DONNAL avecques une maison o son courtil derrière et costeant qui fut à GUÉGUENOU, joignant d'un bout sur une venelle estante entre le courtil du presbitère et ladicte maison DONNAL d'aultre bout à ung chemyn qui descend du Grand Chemyn Hault de KemperCorentin au Faouët et le Chemyn Bas et des deux coustés entre lesdicts deux chemyns ; appartenans à Maistre Jehan LE BRIZ qui confesse estre deu dessus troys souls seix deniers de cens et rente.
Et pour ce …
[DSCN1014.JPG]
La place Sainct-Gille [sic]
355
Une maison o ses courtils appellée An Ty Dialahé aultreffoys à Guézennec COZDEN à présant à Dom Glazren COZDEN qui a cougneu la somme de deux souls seix deniers monnoye de cens et rente estre deue dessus et a promis continuer ; joignante ladicte maison o sesdicts courtils à ung chemyn qui descend dudict Bourg au Moulin de Kerouzere.
Et pour ce …
356
Ung courtil cerné de mur joignant ladicte maison o sesdicts courtils cy-devant devers le Nort du cymitière appartenant à Guillaume SALOU, sieur de Kerguenou qui confesse estre deu deux souls seix deniers monnoye de cens et rente.
Et pour ce …
357
Une maison o son courtil joignante ledict courtil cy-devant, une venelle entre deux ; appartenant au Sieur de Coetcanton que tient à présant Maistre Jehan LE BRIZ ; quel a cogneu deux souls seix deniers de cens et rente estre deue dessus.
Et pour ce …
358
Une maison o son jardrin et o son four y adjaczant qui fut à Glazren LE MAU ferante sur la Place de Sainct Gille d'un endroict, joignant lesdictes maison et courtil cy-devant d'un endroict d'aultre endroict sur le Chemyn de la Fontaine, à présant à Allain FLOCH et Mathurin GUILLOU qui confessent debvoir deux souls seix deniers monnoye.
Et pour ce…
359
Troys maisons ferantes sur ladicte Place de Sainc-Gille par devant joignantes ensembles ferantes sur le Chemyn de la Fontaine d'un bout et d'autre bout à ung parc ; qu'on dit estre au seigneur de TRÉANNA.
Note : Elles seront bien déclarées par Tréanna ensuite (Augustin TALLOUARN, Yvon DERVEN et Hervé LE GUERN !
360
Ung parc qu'on dict estre et appartenir à Seigneur de TRÉANNA, joignant d'un acousté ausdictes troys maisons cy-devant et de l'autre cousté sur l'estaige LAOUÉNAN ; et par devant sur les Place de Sainct-Gille et le froste estant à Gorre an Kaer.
| 
