Source : FRAD044 B 1224 [i]
C'est la tenue, mynu, adveu et denumbrement de terres, rantes et
heritaiges que tient noble damoyselle Azelice Coetforn soubs le Roy nostre seigneur,
usufructaire des Pays et Duché de Bretaigne, père et légitime administrateur
de Monseigneur le Dauphin, duc et seigneur propriétaire de ce Pays et Duché,
soubs sa Jurisdiction de Concq.
Et premier
Le manoir et lieu ouquel elle desmeure sits ès apartennances ?
du Bourg du Boutiez en la parroesse de Melven, contenant soubs
les maisons ... jardrins héritaiges boys de haulte fustaye
o leurs yssues frostes? et apartennances, ung journau de terre.
Et pour ce : 1 journau
Item, deux parcs s'entrejoignants l'un l'autre ...
et nommés Parcou an Yt, contenants troys journaulx de terre
chaude?
Et pour ce : iii journaulx
Item ung aultre parc nommé an Parc Lan, contenant
ung demy journaulx de terre froide.
Pour ce : ?
Item ung aultre parc nommé an Parc Melynen ?, contenant deux
journaulx? de terre froide.
Et pour ce : ii journaulx
Item, deux aultre parcs s'entrejoignants l'un l'autre
[...pli du parchemin...]
et demy de terre chaude
Et pour ce ...
Item ung pré et fenier nommé Prat an Melin?, contenant
quatre journaulx de terre.
Et pour ce iiii journaulx
Item ung aultre pré et fenier, contenant envyron? ung journau
de terre.
Et pour ce : i journau
A la charge de vingt souls monnoye de cheffrante debvoir?
audit seigneur pour ledit manoir et poyables au Recepveur de ladite
Jurisdiction de Concq à chacun terme de janvier.
Quel manoir n'est arranté à raison que ladite Aczelice
le tient et faict proufilter d'elle mesme toutefoys vault et
peut valloir par commune estimation la somme de six Livres monnoye
de rente et revenu charges portées? par chacun an.
Et pour ce : vi L.
Item, ung moulin près et ès apartennances dudit manoir
que pareillement proufilte ladite Aczelice d'elle mesme sur lequel
ny a aulchune charge de cheffrante debue audit seigneur, et
vault et peult valloir de revenu par chacun an la somme
de soixante souls monnoye.
Et pour ce : Lx s.
Item, une tenue et tènement d'héritaige scitué ou villaige
de Kerranen? en ladite parroesse de Melven, contenant soubs
maisons, aere, courtils et pourpris, ung journau de terre.
Et pour ce : i journau
Item, soubs terre chaude cincq journaulx.
Et pour ce : v journaulx de terre chaulde
Item, soubs terre froide quatre journaulx de terre.
Et pour ce : iiii journaulx de terre froide
Quelle tiennent soubs ladite damoiselle Raoul
Scarin? et Margarite Le Picolec? veuffve de feu Guillaume (sic),
pour en poïer de taille par chacun an à chacune feste de La
Sainct Michel en Montegarganne, la somme de quarante souls
monnoye, deux mynots advoine et deux chappons. Et n'estre
debu aulchune cheffrante sur icelles.
Et pour ce : [...blanc...]
Quelles terres et heritaiges cy dessus declairès sont
advenus à ladite Aczelice de Coetforn par le deceix advenu
puix ouict ans de feu Robert Coetforn son père.
Quels adveu, mynu et denumbrement cy dessus, ladite Aczelice présente
par notre Cour de Concq, de maistre Loys Kerbleizec son mary présentement?
debuement auctorizée, a cognu et certiffié estre ainsin vray et contenir
vérité, promectant soubs l'obligation de tous ses biens et par son serment ainsin le
tenir, fournir sans jamais venir encontre. ET POUR présenter ce présent mynu
adveu et denumbrement en ladite Chambre des Comptes de cest Pays, avecq de
faire les foy [et] homaige que faire elle est tenue audit seigneur à celle cause,
ès mains de nosseigneurs les gents desdits Comptes, A, ladite Aczelice de Coetforn
institué, establi, ordoné .. Louys Kerbleizec son mary, Jehan Le Briz,
de ... Henry Hemery ses procureurs ausquels et [à] chacun, icelle Aczelice a donné
plain pouvoir et mandement exprès de faire ce touchant les choses et ...?
desquels promettant? soubs pareils obligations et suivant que dessus avoir ... et
agréable tout ce par cests procureurs et chacun sera ce touchant poyer
faire et procurer ? Et quant ainsin et faire tenir l'avons condempnée.
Donné tesmoign de ce le scel estably aux contracts de nostre dicte Cour
à cestes mys. Ce fut faict et gréé au Bourg du Boutiez en ladicte parroesse de
Melgven (sic) le vingt troysiesme jour de may l'an mil cincq cents quarante.
[signatures :]
? Le Duc ? passe
C. de Kerguern, passe
|