Source : FRAD044 B 1224, cahier de parchemins [i]
[folio 1, recto]
C'est le denombrement, mynu et adveu des maisons
mannoirs, terres, rentes, fiefs, juridictions, seigneuries et obéissances que noble escuyer
xpõfle [Christophe] de La Villeneuffve, seigneur du Fresque tient & advoue tenir noblement et prochement
à foy, hommaige et devoir de rachapt quant le cas advient, du Roy nostre souverain seigneur,
usufructuaire de ce Pays et Duché de Bretaigne, père et légitime administrateur de
Monseigneur le Daulphin, duc et seigneur propriétaire dudict Duché, soubs sa Barre, Court
et Jurisdiction de Concq, [à] luy advenus par succession de feu Pierres Le Scanff,
oncle maternel dudit de La Villeneuffve, décédé environ vingt cinq ans.
Et premier
LE LIEU, maison, et mannoir du Fresque, boys, tant de haulte fustaye
que revenants, prés, moullins, garainnes, et toutes ses aultres apartenances
sittué en la parroesse de Melguen, contenant soubs maisons, rues,
jardrins, courtils et pourprins environ troys journaulx de terre.
Soubs boys taillis, environ six journaulx de terre.
Desoubs pré, environ deux journaulx de terre.
Item, ung colombier et reffuge à pigeons sittué près et joignant les
maisons dudict mannoir.
Avecques les moullins à eau o leurs destroict sittués près les maisons
et pourprins dudict mannoir, sur la ripvière de Fromeur qui descent
du moullin an Noebl, passant desdits moullins à Concq ; quieulx [lesquels] moullins
peuvent valloir [par] commune année, de ferme, trente six rennées [de] bleds, mesure
de Concq, moyctié froment et moyctié seigle.
Et pour ce : ...
[folio 1, verso]
ITEM, une tenue et tènement d'héritaige o ses appartennances sittué près
ledict mannoir, quelle tient et où demeure Allain GUILLOU, contenant soubs
maisons, aires, jardrins, courtils et pourprins environ troys journeaux de terre.
Et pour ce : ...
Item, ung parc nommé Parc Kernomoen contenant environ six cens seillons de terre.
Item, ung aultre parc nommé Parc an Carre contenant environ quatre cens seillons de terre.
Item, ung aultre parc nommé Parc Penfrat contenant environ troys cens seillons de terre.
Item, ung aultre parc nommé Parc Stangandorze~ contenant environ trois cens seillons de terre.
Item, ung aultre parc nommé Parc an Forn contenant environ quatre cens seillons de terre.
Item, ung pré nommé Prat Penfrat contenant environ trente seillons de terre.
Lesdits parcs et prés et chacun cy dessus nommés proufiltés soubs ledict
seigneur du Fresque par [...blanc...] Allain GUILLOU pour en
devoir poyer de convenant par chacun an à chacun jour & terme de Sainct
Michel en Montegarganne audict du Fresque la somme de
soixante souls monnoye, demy minots froment, une somme avoynne
deux chappons & les corvées.
[folio 2, recto]
ITEM, deux parcs et pieczes de terre l'un appellé Parc an Coet et l'autre
nommé an Parc bihan contenant environ cens seillons de terre.
Item, ung aultre parc nommé Parc an Goarem, contenant environ troys cens seillons de terre.
Lesdits parcs sont des yssues et appartennances dudict mannoir du Fresque
que tient et proufilte à convenant soubs ledict seigneur du Fresque, Caznevet
LE ROY pour luy en debvoir poyer par chacun an audict terme de Sainct
Michel, la somme de vingt cinq souls monnoye, deux mynots froment,
deux rennées avoyne & quatre chappons.
ITEM, une aultre tenue des appartennances dudict mannoir du Fresque
en laquelle demeure Jehan LEGOC, contenant soubs maisons,
aire, jardrins & pourpris environ trente seillons de terre.
Item, ung parc nommé Parc an Mellennec contenant environ huict
vingts [160] seillons de terre.
Item, ung aultre parc nommé Parc an Doessec contenant environ
cent seillons de terre.
[folio 2, verso]
Item, ung aultre parc nommé Parc Ros an Coz Kaer contenant
environ deux cens seillons de terre.
Item, ung aultre parc nommé Parc an Aour, contenant environ
deux cens seillons de terre.
Item, aultre parc nommé An Roslan contenant environ cent seillons
de terre.
Item, aultre parc nommé An Parc Men contenant environ cent
seillons de terre.
Item, ung aultre parc nommé Parc an Coz Kaer et une petite piecze
de terre froste joignante ledict parc, contenant environ cent
seillons de terre.
Item deux prés, l'un appellé nommé Prat an Rodoez contenant
environ vingt seillons de terre.
Et l'aultre pré nommé Foennec Pelyn Ryou contenant environ
trante seillons de terre.
À cause de laquelle tenue ledict LEGOC doibt par chacun an
audict terme de Sainct Michel audict seigneur du Fresque la somme
de quarante souls monnoye, seix rennées froment, seix rennées seigle,
seix rennées avoyne et seix chappons.
[folio 3, recto]
ITEM, oudict mannoir y a troys estaiges et tènements de terre en
l'un desquieulx demeure Caznevet LE ROY, contenant soubs maisons
aire, jardrins, pourprins et yssues, environ soixante seillons.
Item, ung parc nommé Parc an Gloued bras contenant environ
deux cents seillons de terre.
Item, aultre parc nommé an Parc nevez conteant environ neuff
vingts [180] seillons de terre.
Item, autre parc nommé an Parc bihan contenant environ troys
cens seillons de terre.
Item, aultre parc nommé Parc an Ohen contenant envieon cent
seillons de terre.
Item, aultre parc nommé Parc an neveziou contenant environ
quatre vingts seillons de terre.
Item, ung pré nommé Prat Foennec Feunteun an Poul Biou
contenant environ trante seillons de terre.
[folio 3, verso]
Item, le frotaige dudict tènement contenant environ
soixante seillons de terre.
Pour, ledict Caznevet LE ROY, devoir poyer audict seigneur du Fresque
de convenant par chacun an audict terme, la somme de quarante souls
monnoye, unne rennée froment, unne rennée avoyne et deux chappons.
L'aultre tènement proufilte et tient soubs ledict seigneur
du Fresque Jehan LYHOUARN [Nihouarn] contenant soubs maisons, jardrins,
pourprins, aire et yssues, envieon vingt seillons de terre.
Item, ung parc nommé Parc An Runhiel~ contenant eniron troys
cens seillons de terre.
Item, ung aultre parc nommé an Parc bihan, contenant environ
cent seillons de terre.
Item, ung aultre parc nommé Parc an Gloed bras contenant
environ six vingts seillons de terre.
[folio 4, recto]
Item, ung aultre parc nommé an Parc nevez contenant
environ deux cens seillons de terre.
Item, ung pré nommé Prat Stang an Rodog [Rodoez ?] contenant environ vingt
seillons de terre.
Item, les frostaiges des yssues dudict tènement, contenant environ
six vingts seillons de terre.
Pour, ledict Jehan LYHOUARN en devoir poyer audict seigneur du
Fresque par chacun an de convenant oudict terme, la somme de
quarante cinq souls monnoye, une rennée advoine & deux chappons.
Aultre tènement, sittué oudict mannoir, ouquel demeure et
que tient soubs ledict seigneur du Fresque, Jehan LE MAULT,
contenant soubs maisons, aire, pourprins, courtils et jardrins,
environ trante et seix seillons de terre.
Item, ung parc appellé Parc bras qui contient environ huict vingts [160] seillons
de terre.
[folio 4, verso]
Item, ung aultre parc nommé Parc Stang an Biren~ contenant
environ trante cinq seillons de terre.
Item, ung aultre parc appellé Parc an Leur contenant environ
deux cens seillons de terre.
Mesmes deux parcs joignants l'ung l'aultre appellés Parc an
Ro niel~
Pareillement, ung pré nommé Prat Feuten Berrou, contenant
environ seixante [60] seillons de terre.
Item, en terre froide, environ cent seillons de terre.
Pour en poyer, iceluy LE MAULT, par chacun an de convenant audict
terme de Sainct Michel quarante souls par argent, une rennée
avoyne, deux chappons, et les corvées.
Et pour ce : ...
Le mannoir et tenues cy devant cernés d'un costé devers
midy sur ladicte ripvière de Fromeur [La rivière du Moros], d'aultre costé sur
le Grant Chemyn par lequel l'on va de Concq à Banaslec, [folio 5, recto]
d'un bout sur les terres du seigneur de Tréanna, devers souleil levant
& d'aultre bout devers souleil couschant sur les terres du seigneur de
Cheff de Bouais [Chefdubois] et Claude Mahaud, d'unes et aultres partyes.
Item, ung aultre mannoir appellé Kerléan sittué en ladicte parroesse
de Melgven, dont y a quatre tènements, en l'un desquieulx
demeurent Dom Pierres GOURLOUEN prêtre, et ses consorts, contenant soubs
maison, aire, pourprins & jardrins quinze seillons de terre ou environ.
Item, ung parc nommé Parc an Calvez contenant environ six journaulx
de terre.
Item, aultre parc appellé an Prat nevez contenant environ deux
journaulx et demy de terre.
Item, ung aultre parc appellé an erres neuyn ? contenant environ
quatre journaulx de terre.
Item, ung pré appellé Prat an Parc bras contenant environ deux
journaulx de terre.
Item, aultre pré appellé an Foennec nevez contenant environ deux
journaulx de terre.
[folio 5, verso]
Item, ung fenyer appellé an Foennec contenant environ
demy journeau de terre.
Item, aultre pré appellé Prat an Garz Hallec contenant
environ demy aultre journeau de terre.
Pour, ledict prêtre et ses consors en devoir poyer par
chacun dit an de convenant audit terme [...blanc...]
L'aultre tenue et tènement sittué oudict mannoir ouquel
demeure et que tient Guillaume GOURLOUEN et ses consors
pour en poyer par chacun an de convenant la somme de quarante
cincq souls monnoye, dux rennées avoynne et deux chappons.
Et pour ce : ...
Tous soubs les maisons, jardrins et pourprins contenant
environ douze seillons de terre.
Ung parc appellé an Parc bras contenant environ six
journaulx de terre.
[folio 6, recto]
Item, aultre parc appellé an Parc marr contenant environ six
journaulx de terre.
Item, ung pré appellé an Foennec bras contenant environ ung journau
de terre.
Item, aultre pré appellé Prat Feunteun contenant environ aultre
journée de terre.
Item, aultre parc nommé Parc Core contenant environ deux
journaulx de terre.
Item, aultre pré appellé an Prat adan ~ contenant environ troys
journaulx de terre.
Item aultre parc appellé Parc an Goarem contenant environ deux
journaulx de terre.
Item, les frostaiges de ladite tenue contenant environ cent
seillons de terre.
[folio 6, verso]
L'aultre tenue et tènement de terre contenant
soubs maisons, jardrins et pourprins environ douze seillons
de terre.
Item, ung parc nommé Parc an Ydou contenant environ
quatre journaulx de terre.
Item, aultre parc et ung pré joignant ledict parc appellé
an Parc marre contenant environ cent seillons de terre.
Item, aultre parc appellé Parc an Groes et ung petit pré joignant
ledict parc contenant environ deux journaulx et demy de terre.
Item, la moyctié d'ung parc appellé Parc an Trinchenec~ contenant
environ ung journau de terre.
Item, aultre parc appellé Parc an Laniny gou contenant
environ troys journaulx de terre.
[folio 7, recto]
En laquelle tenue demeure Henry GOURLOUEN pour
en poyer par chacun dit an de convenant la somme de trante deux
souls six deniers monnoye, deux mynots avoyne et des
deux parts de deux chappons, à chacun dict terme de Sainct
Michel.
En l'aultre tenue et tènement demeurent Dom
Guillaume LE MOENNER et ses consors.
Et contenant soubs maisons, rue, jardrins et courtils, yssues
et pourprins, environ douze seillons de terre.
Item, ung parc appellé an Parc bras contenant environ deux
journaulx de terre.
Item, aultre parc appellé an Parc marre contenant environ
quatre journaulx de terre.
Item, aultre parc appellé Parc Corre contenant environ
deux journaulx de terre.
[folio 7, verso]
Item, aultre parc appellé Parc an Feunteun contenant
environ ung journeau et demy de terre.
Item, ung aultre tènement de terre sittué ou villaige de Penanfeunteun en
ladicte parroesse de Melgven en laquelle demeure soubs ledict
seigneur du Fresque, Maistre Allain FLOCH, pour luy en devoir poyer par
chacundict an de conveannt à chacundict terme de la Sainct Michel en Montegarganne
la somme de cincquante souls quatre deniers monnoye, deux
rennées combles avoyne, deux chappons et troys corvées, contenant
soubs les maisons, courtils, pourprins et l'aire environ ung journau
de terre.
Item, ung parc nommé Parc Ty an forn contenant environ quatre
journaulx de terre chaulde.
[folio 8, recto]
Item, ung aultre parc nommé Parc Theffany contenant
environ deux journaulx de terre chaulde.
Item, aultre parc nommé Parc an Pilladec contenant environ
quatre journaulx de terre chaulde.
Item, ung aultre parc nommé Parc an barrennou contenant
environ quatre journaulx de terre froide.
Item, aultre tenue et tènement de héritaige o ses apartennances
sittué oudict villaige de Penanfeunteun [la]quelle tient et où demeure
Jacques ROUZAULT, contenant soubs maisons, aires
courtils, jardrins, terres chauldes & froides, prés, boays taillis
et aultres, environ quarante journaulx de terre. Lesdictes
terres estantes en ung tennant, cernées et joignantes d'une
part devers midy sur le chemyn qui conduict de la
Chappelle de Coet an Podou à Kempercorentin, d'aultre
part sur chemyn par lequel l'on vat de la Trinité
de Grégoire Le Beux d'un bout sur le chemyn qui conduict
du villaige du Run à Coet an Podou, et d'aultre bout
[folio 8, verso]
sur les terres du villaige [de] Grigoire Le Bux [Grégoire Le Beux] comme se poursuilt. Quelle
tenue est par indivis d'entre ledict seigneur du Fresque et Franczois(e) de Guer
seigneur de La Porte Neuffve, pour en poyer ledcit Rouzault audict
seigneur du Fresque par chacun an audict terme, de convenant pour
sa part et portion d'yceluy, quarante souls.
Et pour ce : ...
En la paroesse de Beuzec Concq
Deux parcs l'un joignant à l'aultre appellés Douar an Scanff
sittués ès apartennances du villaige de Kervaulter
en ladicte paroesse de Beuzec Concq, joignant le bourg
parrochial de ladicte paroesse, contenant l'un desdits parcs
environ troys journaulx de terre chaulde et l'aultre appellé
Parc an Ros contenant environ troys journaulx de terre
froide.
Quieulx parcs sont tenus et proufiltées soubs ledit sieur du
Fresque par Xpõfle PEZRON dict CLEIZ [gaucher ?] et Marye PENGUEN
veuffve [de] Yvon PEZRON pour luy en devoir poyer par
chacun dit an, de convenant par dehors, quatre rennées
combles froment, deux rennées combles seigle & troys corvées.
[folio 9, recto]
Item, troys parcs :.
L'un d'eux nommé Parc an Run contenant
environ deux journaulx de terre chaulde.
L'aultre an Parc marre contenant environ eux journaulx de
terre froide.
Et l'aultre Parc Ros an carret plaot ~ contenant environ
troys journaulx de terre froide.
Lesquels parcs ès apartenances dudict villaige de Kervaulter en ladicte
paroesse de Beuzec Concq et tenus soubs ledict seigneur du
Fresque de convenant de dehors par Glazren PORCHEL, pour
luy en devoir poyer par chacundict an la somme de vingt souls
monnoye et quatre rennées combles froment.
Item, aultre parc et piecze de terre nommé Parc Stangc
Madec sittué ès apartenances du mannoir de Kerriolet en
ladicte paroesse de Beuzec Concq contenant environ deux
journaulx et demy de terre froide, tenu & proufilté soubs ledict
seigneur du Fresque à convenant par dehors par Pasque
SALLENCY? & Ambroysse LE KERGOUO~ pour luy en poyer
par chacundict an la somme de cincq souls monnoye.
folio 9, verso]
Cheffrantes deues audit de La Villeneuffve sur les
héritaiges que tiennent les personnes cy après nommées,
prochement dudit seigneur du Fresque à foy, hommaige et devoir de
rachapt quant le cas y eschect, avecques la Jurisdiction, seigneurie
et ligence que ledict seigneur du Fresque a sur lesdicts cy après nommés.
Icelles cheffrantes deues au terme du dernier jour de décembre en
la Ville de Concq ou ailleurs lo?q où ledict seigneur du Fresque
faict assygner le poyment desdites cheffrantes estre faict
à luy ou à ses commis, à paine de saesyes desdictes terres et
héritaiges qu'ils tiennent de luy.
Et premier
Dessur le mannoir de Kerliogar apartenant au seigneur de Treanna
où à présant demeure Yvon ROUZAULT, est deu audit seigneur du
Fresque chacun an audit terme, dix huict deniers.
[folio 10, recto]
Dessus le villaige de Penerhouet apartenant audict de Tréanna que tiennent
Corentin LE DRANOULT~ et ses consors est deu chacun an audict terme
audict seigneur du Fresque neuff deniers de cheffrante.
Et pour ce : ...
Item, le villaige de Kernonen apartenant audict de Tréanna
est pareillement deu, où demeurent Missire André KERNEVER~
prêtre et ses consors soubs ledict seigneur de Tréanna est pareillement
deu audict seigneur du Fresque, neuff deniers de cheffrante.
Et pour ce : ...
Item, sur la maison o ses courtils que tient et où demeure
Guillaume GUENOU~ au bourg parochial de Melven est deu
pareillement audict seigneur du Fresque ung denier obolle.
Et pour ce : ...
Item, sur le villaige de Kerhalleguen où demeure la veuffve
d'Allain STAGUER et ses enffans cincq deniers.
Et pour ce : ...
[folio 10, verso]
Item, dessus ung parc nommé Le Parc Meneshy apartennant
à Pierres LE GALLANT à cincq deniers obolle.
Item dessus le villaige de Ker gue linhit où demeure Perronelle
LAOUGST et ses enffans, Morice BLENYORANT et ses enffans deux
souls seix deniers.
Et pour ce : ...
Item, dessus les terres des Gouynez~ que tient Pierres GUEGUEN
ung denier obolle.
Et pour ce : ...
Item, sur les terres du Raoul LE GOUARANT ou bourg parochial de Melven
ung denier obolle.
Et pour ce : ...
Sur le villaige de Sainct Grégoire ès apartennances de Sainct
Anthoine que tient & où demeure Charles et Guillaume HERVÉ
dix huict deniers.
Et pour ce : ...
Item, en ladicte paroesse de Beuzec Concq sur le villaige de Kervegant~
que tient Berthenier TAGOUAL et ses consors seix deniers.
Et pour ce : vi d.
Item, sur un parc et fenyer que tient Michiel COVENT et sa femme
aux forbourgs de Concq, troys souls quatre deniers.
Et pour ce : ...
Item, dessus les terres de Jehan LE THOMIREC [Thominec ?] en la paroesse
de Lanride [Lanriec ?] cincq deniers.
Et pour ce : ...
[folio 11, recto]
Dessus les terres [de] Margarite TANGUY, Azelicze CORNEC, Marye LORANCZE, Jacques
LE DAULPHIN à Locquelou, faousbourgs de Concq et est de cheffrante par an quatre
souls deux deniers.
Item, sur les terres de Kerguiffinen à présent à Katherine COURTON~ oudict lieu de
Locquelou fausbourgs de Concq est debu de cheffrante troys souls
quatre deniers par an.
Et pour ce : ...
Item, la terre [de] Jehan TREVARÉ, sieur de Kerriollet oudict lieu de Locquelou ung denier
obolle de cheffrante par an.
Item, dessus un parc appellé Parc bras qui fut aultreffoys à Jehan COURTON~
est debu de cheffrante par an demy denier obolle.
Et pour ce : ...
Dessus les héritaiges [de] Constancze ESTIENNE ? oudict lieu de Locquellou : i d. obolle
Dessus les terres [de] Jehan LE MOYNGOFF estantes à Penvern~ Fosbourgs de Concq
six deniers de cheffrante par an.
Et pour ce : ...
Dessus deux pieczes de terre appellées Parcou Bella [pella ?] estantes oudict lieu de
Locquelou dix ouict deniers de cheffrantes par chacun an.
Et pour ce : ...
Dessus le villaige de Kerrougon~ sittué en la paroesse de Beuzec est debu de
cheffrante par chacun an dix sept deniers obolle.
Et pour ce : ...
Dessus ung parc nommé Parc Cornic sittués oudit lieu de Locquelou apartenant
à Jacques Coetquelfen douze deniers de cheffrantes par an.
Et pour ce : ...
Dessus les terres [de] Charles HERVÉ et ses consors ou villaige de Sainct Grégoire
en ladicte parroesse de Melven est debu de cheffrante audict de La Villeneuffve
cincq deniers.
Et pour ce : ...
[folio 11, verso]
Dessus les terres [de] Raoul LE GOARANT ès apartenances du bourg paroessial
de Melgven, de cheffrante par an, cincq deniers.
Et pour ce : ...
Dessus leur tenue d'héritaige o ses apartenances site en ladite parroesse
que tient Pierres GUIGUEN soubs ledit de La Villeneffve sitte au
villaige du Coz Kerlech et en poyer ledict Guiguen de convenant
par chacun an la somme de vignt souls.
Et pour ce : ...
Sur, et par cause des choses cy devant rapportées, ledit de La Villeneuffve
confesse debvoir à nostredit souverain seigneur la somme de treize souls quatre
deniers de cheffrante, à luy estre poyés par chacun an à chacun dernier
jour de décembre, rendu à Concq pour les remettre? au recepveur
dudict seigneur, par les mains dudit sieur de Penmarch ou son commis
comme prévost et sergent féodé de ladite Jurisdiction de Concq,
sur lesdits villaiges.
Quel de La Villeneuffve présent devant nous par nostre Court de Nantes
à la jurisdiction de laquelle il s'est submis et se submect par son serment o tout le syen quant
à tout le contenu en cestes & qui ensuilt tenir, a congneu et confessé tenir
prochement & ligement dudit seigneur, ausdits devoirs de foy, hommaige et
[ folio 12, recto ]
rachapt comme dict est, les héritaiges, rante, cheffrantes cy devant rapportés ès neuff
feillets cy devant escripts, cestuy comprins, par cause desquels il confesse devoir
et estre tenu obeyr pour nostre dit souverain seigneur comme homme tenant prochement
et ligement doibt et est tenu faire pour son seigneur sellon le nature du fief.
Et pour ce que ledit de La Villeneuffve a congneu et confessé le contenu en ceste
présent mynu & desnumbrement rapporté et cy devant escript, estre vray & contenir vérité.
Et qu'il l'a ainsi voullu, promis, gréé & juré tenir par son serment, de son assentement,
et requeste le y avons condempné & condempnons. Tesmoign, le sceau estably
aux contracts de nostre dicte Court. Ce fut faict & le gré prins en la Gallerye de la
Chambre desdits Comptes, le vingtiesme jour de may l'an mil cincq cens
quarante.
[signatures :]
Aubin (ou Lubin ?)
de Sainctdo, passe
[ajout :]
Et quant pour présenter ce présent mynu en la Chambre desdits Comptes suyvant les manières?
dudit seigneur et d'en retirer actes et receus, ledit de La Villeneuffve
a institué Julien Bourdays son procureur. Donné comme dessus.
[signature de :]
Aubin (ou Lubin ?)
Note : Laurans du Plessis, seigneur de Kermynyhy présentera également son aveu à Nantes, devant les mêmes passes cinq jours plus tard [+plus>]
Merci à André Le Torc'h pour les photos des documents !
|