Source : FRAD044 B 1212 / 6, parchemin
[ En marge : ]
Présenté le xxiie may vc xl
Bernard Mahault
Rospreden
Elliant
Ensuylt la déclaration des terres et herittaiges quieulx
noble homme Bernard Mahault tient au fyé proche du Roy
nostre Sire, usufruictier du duché de Bretaigne, père et
légitimme administrateur de Monseigneur le Daulphin
duc et seigneur propriétaire dudit Pays et duché
de Bretaigne, Quieulx herittaiges sont sittués soubs
le Jurdition [Juridiction] de Rospreden, subgects à foy, hommaige
et debvoir de rachapt et luy sont advenus par le
deceix de feue Marie Rospiec son aïeulle paternelle
décebdée puix dix ans.
Premier
Soubs la Jurdition de
Rospreden
Le manoir et ses ysues et apartenances de Kerangoumarch
où quel desmeure ledit Mahault, non arranté, pour
ce qu'il le proufilte de luy mesmes et est sittué
en ladite paroisse d'Elyent soubs ladite Jurdition de
Rospreden, contenant soubs maisons, pourte, vergers
et courtils joignants ausdites maisons, envyron deux
journeaulx. Pour ce : ii journeaulx
Item, soubs bois de haulte fustaie et froustaiges
envyron troys journeaulx de terre. Pour ce : iii journeaulx
Item, soubs jeune bois, envyron demy journeau de terre.
Pour ce : demy journeau
Item, en ugn parc appellé Parc en Ozen, des
apartenances dudit manoir contenant envyron
troys journeaulx de terre chaude. Pour ce : iii journeaulx
Item en ugn parc nommé An Gouyen~ [il] y a envyron
deux journeaulx de terre froede.
Pour ce : ii journeaulx
[folio 1, verso]
Item, ugn aultre parc appellé Parc an Luezou contenant
envyron deux journeaulx de terre chaulde. Pour ce : ii journeaulx
Item, ugn parc nommé An Parc Marre, contenant
envyron troys journeaulx de terre chaulde. Pour ce : iii journeaulx
Item, ugn aultre parc appellé Kenechyuzen~ contenant
envyron troys journeaulx de terre chaulde. Pour ce : iii journeaulx
Item, ugn aultre parc nommé An Parc Tyrien, contenant
envyron quattre journeaulx de terre chaulde.
Pour ce : iiii journeaulx
Item, ugn parc et piecze de terre nommé An Coechporos?
contenant envyron ouict journeaulx de terre froede.
Pour ce : viii journeaulx
Item, soubs pré fauchable envyron six journeaulx.
Pour ce : vi journeaulx
Item, soubs pré non fauchable envyron quattre
journeaulx de terre. Pour ce : iiii journeaulx
Quel manoir o ses yssues fiert d'un endroict
devers soulleil levant sur le villaige de Quyllyan [Quillien],
d'aultre endroict devers le nort sur le villaige de
Keryllouen [Kervilaouen], d'aultre endroict devers soulleil couchant
sur le manoir de Mesaller [Mézaler] et des aultres endroicts sur
les villaiges de Kerguyel [Kerviel] et Kerangain [Kerangagne]. Dessus lequel
manoir de Kerangoumarch est debu [dû] de cheffrante
par an à ladite Court de Rospreden ugn quarteron [de] froment,
de cheffrante à estre poyé et randu au Bourg
d'Elyent à chacune feste de Nostre Dame de la
Chandeleur [2 février] chacundit an.
[folio 2, recto]
Item, dessus les terres quieulx tiennent dudit Mahault, Guillaume
Le Chappalain et ses consorts au villaige de Cleuzelient,
le somme de quarante cincq souls monnoie et deux
chappons, de taille par an à chacun terme de la
Sainct Michel Montegarganne.
Pour ce :
- xlv s.
- ii chappons
Dessus lequel villaige est debu de cheffrante
à ladite Court ugn quarteron [de] froment à estre payé
à chacundit terme de la Chandeleur.
Quel Bernard Mahault présent par la Court de
Rospreden a cogneu et confessé ce que dessus estre
vroy et contenir vérité, promectant et a promis soubs
obligation de ses biens et par son seramant [serment] ne
venir jamais encontre, avecques, promect obéir
& servir audict Syre et à sa Court de Rospreden soubs
laquelle sont lesdicts herittaiges sittués ainsin que la
nature du fyé le requiert. Donné tesmoign de
ce, le seel [sceau] estably aux contracts de nostredite Court
à cestes mys. Ce fut faict & gréé au Bourg d'Elyent
en la maison de maistre Jehan Le Briz le dix septiesme
jour de may l'an mil cincq cents quarante.
[signatures de : ]
X [Christophe] Blohio, passe
J. de Lesmaës, passer
Rospreden
Mynu du lieu et apartenances
de Kerangoumarch, baillé
par Bernard Mahault
le xviie jour de may
MVCXL
IX
[autre écriture]
Neuf
|